കൊച്ചി: തിയേറ്ററുകളില്‍ പ്രദര്‍ശനത്തിന് എത്തുന്നതിന് മുമ്പ് തന്നെ മുടക്ക് മുതലും ലാഭവും നേടി മമ്മൂട്ടി ചിത്രം അങ്കിള്‍. ചിത്രത്തിന്റെ തമിഴ് തെലുങ്ക് റീമേക്ക് അവകാശങ്ങളും സാറ്റ്‌ലൈറ്റ് റൈറ്റുമാണ് റിലീസിന് മുമ്പ് തന്നെ വിറ്റു പോയത്.
ചിത്രത്തിന്റെ ഷൂട്ടിംഗും ലാബ് വര്‍ക്കുകളും കഴിഞ്ഞിരിക്കുകയാണ്. സൂര്യ ടി.വിയാണ് ചിത്രത്തിന്റെ സാറ്റ് ലൈറ്റ് സ്വന്തമാക്കിയിരിക്കുന്നത്. ചിത്രം മാര്‍ച്ച് രണ്ടാം വാരം റിലീസ് ചെയ്യാനാണ് അണിയറ പ്രവര്‍ത്തകരുടെ തീരുമാനം.
കൗമാര പ്രായത്തിലുള്ള ഒരു പെണ്‍കുട്ടി നേരിടുന്ന പ്രശ്നങ്ങളും, അതില്‍ അച്ഛന്റെ സുഹൃത്ത് ഇടപെടുന്നതും പിന്നീട് ഉണ്ടാകുന്ന സംഭവ വികാസങ്ങളുമാണ് ചിത്രത്തിന്റെ പ്രമേയം.
ഷട്ടറിന് ശേഷം ജോയ് മാത്യു തിരക്കഥ രചിച്ചിരിക്കുന്ന ചിത്രം സംവിധാനം ചെയ്യുന്നത് ഗിരീഷ് ദാമോദറാണ്. എന്നാല്‍ ചിത്രത്തിന്റെ ഫസ്റ്റ ലുക്ക് പോസ്റ്ററോ ടീസറോ അണിയറ പ്രവര്‍ത്തകര്‍ ഇതുവരെ പുറത്ത് വിട്ടിട്ടില്ല.