[]പ്രധാനമന്ത്രി നരേന്ദ്ര മോദിയുടെ “ക്ലീന്‍ ഇന്ത്യ ചലഞ്ചി”നെ അഭിനന്ദിച്ച് മമ്മൂട്ടിയുടെ ഫേസ്ബുക്ക് പോസ്റ്റ്. ഇങ്ങനെയൊരു പരിപാടിക്ക് പ്രധാനമന്ത്രി തുടക്കം കുറിച്ചതില്‍ സന്തോഷവും അഭിമാനവും ഉണ്ടെന്ന് മമ്മൂട്ടി ഫേസ്ബുക്കിലൂടെ പറഞ്ഞു.

മോദി പരിസരം വൃത്തിയാക്കുന്ന ഫോട്ടോയുള്‍പ്പെടെയാണ് മമ്മൂട്ടി പോസ്റ്റ് ചെയ്തിട്ടുള്ളത്. ഈ ചലഞ്ചിനെ സപ്പോര്‍ട്ട് ചെയ്യുന്നതായും ഇതിന്റെ ഭാഗമാകുമെന്നും മമ്മൂട്ടി പറഞ്ഞു.

തന്റെ എല്ലാ ആരാധകരോടും സുഹൃത്തുകളോടും ഈ ചലഞ്ചിന്റെ ഭാഗമാകാനും മമ്മൂട്ടി ആവശ്യപ്പെട്ടിട്ടുണ്ട്. അഡിക്ടഡ് ടു ലൈഫ്, മൈ ട്രീ ചലഞ്ച് എന്നിവ പോലെയുള്ള പ്രചാരണ ക്യാമ്പയിനുകള്‍ നമുക്കാവശ്യമെണെന്നും മമ്മൂട്ടി പറയുന്നു.

ഉണര്‍ന്ന് പ്രവര്‍ത്തിക്കു മാറ്റം അനിവാര്യമാണ് എന്ന ആഹ്വാനത്തോടെയാണ് മമ്മൂട്ടി തന്റെ പോസ്റ്റ് അവസാനിപ്പിക്കുന്നത്.