14 വര്‍ഷത്തിന് ശേഷം മമ്മൂട്ടി- അമല്‍നീരദ് കൂട്ടുകെട്ടിലൊരുങ്ങിയ ഭീഷ്മപര്‍വം ഇന്നലെയാണ് തിയേറ്ററിലെത്തിയത്. മികച്ച അഭിപ്രായം നേടി മുന്നേറുകയാണ് ചിത്രം. ഏറെ നാളുകള്‍ക്ക് ശേഷം മമ്മൂട്ടി മാസ് ലുക്കിലെത്തിയ ചിത്രം എല്ലാവരേയും ഒരുപോലെ തൃപ്തിപ്പെടുത്തിയെന്നാണ് റിപ്പോര്‍ട്ട്.
ഇപ്പോള്‍ ബോക്‌സ് ഓഫീസ് തൂത്തുവാരിയിരിക്കുകയാണ് ഭീഷ്മയെന്ന റിപ്പോര്‍ട്ടുകളും പുറത്തുവരുകയാണ്. ഭീഷ്മ പര്‍വത്തിന്റെ ബോക്‌സ് ഓഫിസ് കളക്ഷന്‍ റിപ്പോര്‍ട്ടാണ് പുറത്തുവന്നിരിക്കുന്നത്.
കേരളത്തിലെ തിയറ്ററുകളില്‍ നിന്ന് മാത്രം 3.676 കോടി രൂപ ചിത്രം നേടി എന്നാണ് ഫ്രൈ ഡേ മാറ്റിനി ട്വീറ്റ് ചെയ്തത്. സംസ്ഥാനത്തെ 1,179 ഷോകളില്‍ നിന്നായി 2,57,332 ലക്ഷം പേരാണ് ഭീഷ്മ പര്‍വം കണ്ടത്.
#BheeshmaParvam Day 1 Kerala Boxoffice Tracked Collection Update:
Shows Tracked : 1,179
Admits : 2,57,332
Gross : 3.67 Cr
Occupancy: 73.83%Verdict : Humungous Opening
NB : All Time Best Number for any film for Day 1 and a single day in our tracking 👍
— Friday Matinee (@VRFridayMatinee) March 3, 2022
ഏരീസ് പ്ലെക്‌സ് എസ്.എല്‍ സിനിമാസ് ആണ് ഔദ്യോഗികമായി ആദ്യ ദിവസത്തെ കളക്ഷന്‍ പുറത്തുവിട്ടത്. ആദ്യ ദിനം ചിത്രത്തിന് ഏരീസില്‍ 14 ഷോകളാണ് ഉണ്ടായത്. 9.56 ലക്ഷം രൂപയാണ് നേടിയെന്നും പറയുന്നു.
അതേസമയം ക്ലാഷ് റിലീസായി ഇറങ്ങിയ ആഷിഖ് അബു- ടൊവിനോ ചിത്രം നാരദന് പ്രതീക്ഷിച്ചത്ര നേട്ടം കൊയ്യാനായില്ലെന്നാണ് ബോക്‌സ് ഓഫീസ് കണക്കുകള്‍ സൂചിപ്പിക്കുന്നത്.
#Naradhan Day 1 Kerala Boxoffice Tracked Collection Update:
Shows Tracked : 512
Admits: 13,010
Gross : 20.05 Lakhs INR
Occupancy: 11.76%Verdict : Below Average Opening
— Friday Matinee (@VRFridayMatinee) March 3, 2022
512 ഷോകളാണ് കേരളത്തില്‍ നാരദനുണ്ടായിരുന്നത്. 20 ലക്ഷം മാത്രമാണ് ചിത്രത്തിന്റെ ആദ്യ ദിവസത്തെ കളക്ഷന്‍. ദുല്‍ഖര്‍ സല്‍മാന്‍ നായകനായി എത്തിയ ഹേയ് സിനാമിക തിയേറ്ററുകള്‍ കാര്യമായ ചലനമൊന്നും ഉണ്ടാക്കിയിട്ടില്ലെന്നാണ് റിപ്പോര്‍ട്ട്.
ബിഗ് ബിയുടെ തുടര്‍ച്ചയായ ‘ബിലാലാ’ണ് മമ്മൂട്ടിയും അമല്‍ നീരദും നേരത്തെ ചെയ്യാനിരുന്നതെങ്കിലും കൊവിഡ് പശ്ചാത്തലത്തില്‍ പ്രോജക്റ്റ് നീളുകയായിരുന്നു. പകരം ഭീഷ്മ പര്‍വ്വം അപ്രതീക്ഷിതമായി പ്രഖ്യാപിക്കുകയായിരുന്നു.
എണ്‍പതുകളിലെ കഥയാണ് ഭീഷ്മ പറഞ്ഞതെങ്കിലും സമകാലിക സാമൂഹിക രാഷ്ട്രീയ സംഭവങ്ങള്‍ ചിത്രത്തില്‍ പറഞ്ഞുപോകുന്നുണ്ട്. എന്തായാലും പ്രേക്ഷകരെ ആവേശത്തിലാഴ്ത്തി നിറഞ്ഞ തിയേറ്ററുകളില്‍ ഭീഷ്മ പര്‍വം പ്രദര്‍ശനം തുടരുകയാണ്. മമ്മൂട്ടിയുടെ മാസ് എനര്‍ജെറ്റിക് പെര്‍ഫോമന്‍സ് തന്നെയാണ് ചിത്രത്തിന്റെ ഹൈലൈറ്റ്.
