തെരഞ്ഞെടുപ്പ് കമ്മീഷനെ നിയന്ത്രിക്കുന്നത് ബി.ജെ.പിയെന്നാവര്‍ത്തിച്ച് മമത
ഡൂള്‍ന്യൂസ് ഡെസ്‌ക്
Saturday, 10th April 2021, 8:25 am
കൊല്‍ക്കത്ത: തെരഞ്ഞെടുപ്പ് കമ്മീഷനെ വിമര്‍ശിച്ച് പശ്ചിമബംഗാള്‍ മുഖ്യമന്ത്രി മമത ബാനര്‍ജി. തെരഞ്ഞെടുപ്പ് കമ്മീഷന്റെ രണ്ടാമത്തെ കാരണം കാണിക്കല്‍ നോട്ടീസ് ലഭിച്ചതിന് പിന്നാലെയാണ് വിമര്‍ശനം. ബി.ജെ.പി എന്തുപറഞ്ഞാലും അതുമാത്രം കേള്‍ക്കുകയാണ് തെരഞ്ഞെടുപ്പ് കമ്മീഷനെന്ന് മമത പറഞ്ഞു.
തൃണമൂല്‍ കോണ്‍ഗ്രസ് പറയുന്ന ഒന്നും കമ്മീഷന്‍ കേള്‍ക്കുന്നില്ലെന്നും മമത പറഞ്ഞു.
”ബി.ജെ.പി പറയുന്നതെന്തും അവര്‍ ശ്രദ്ധിക്കുന്നുണ്ട്. അതിന് യാതൊരു ഫലവുമുണ്ടാകില്ല. ബി.ജെ.പി വിജയിക്കില്ല. ഞാന്‍ വെല്ലുവിളിക്കുകയാണ്. ബി.ജെ.പി ഒരു സീറ്റ് പോലും നേടില്ല,” മമത പറഞ്ഞു.
