ബി.ജെ.പിയെ 'പൂട്ടാന്‍' മമത ദല്‍ഹിക്ക്; പ്രതിപക്ഷ ഐക്യത്തിന് പുതിയ പദ്ധതികള്‍
ഡൂള്‍ന്യൂസ് ഡെസ്‌ക്
Sunday, 21st November 2021, 9:11 am
ന്യൂദല്‍ഹി: ബി.ജെ.പിക്കെതിരെ വീണ്ടും നീക്കങ്ങള്‍ ശക്തമാക്കി ബംഗാള്‍ മുഖ്യമന്ത്രി മമത ബാനര്‍ജി.
പാര്‍ലമെന്റ് സമ്മേളനത്തിന് മുമ്പ് പ്രതിപക്ഷ പാര്‍ട്ടികളെ ഒന്നിച്ചുനിര്‍ത്തി എന്‍.ഡി.എയ്‌ക്കെതിരെ ഒരു മുന്നണി ഉണ്ടാക്കാനാണ് മമതയുടെ തീരുമാനം. നേരത്തെ തന്നെ ഇതിനുള്ള നീക്കങ്ങള്‍ മമത നടത്തിയിരുന്നു. കോണ്‍ഗ്രസ് അധ്യക്ഷ സോണിയ ഗാന്ധി ഉള്‍പ്പെടെയുള്ളവരുമായി മമത ചര്‍ച്ച നടത്തുകയും ചെയ്തിരുന്നു.
കഴിഞ്ഞതവണ നടത്തിയ ദല്‍ഹി സന്ദര്‍ശനത്തിനിടെയായിരുന്നു സോണിയ ഗാന്ധിയുമായുള്ള മമത ബാനര്‍ജിയുടെ കൂടിക്കാഴ്ച. കോണ്‍ഗ്രസിന്റെ അസാന്നിധ്യത്തില്‍ ഒരു മുന്നണി ഉണ്ടാക്കാനാവില്ലെന്ന് മമത വ്യക്തമാക്കിയിരുന്നു.
