ഗൗതം അദാനിയെ സന്ദര്‍ശിച്ച് മമത ബാനര്‍ജി; അണിയറയില്‍ ഒരുങ്ങുന്നത് പുതിയ തന്ത്രങ്ങളോ?
ഡൂള്‍ന്യൂസ് ഡെസ്‌ക്
Friday, 3rd December 2021, 8:02 am
കൊല്‍ക്കത്ത: ബംഗാള്‍ മുഖ്യമന്ത്രി മമത ബാനര്‍ജി വ്യവസായി ഗൗതം അദാനിയിമായി കൂടിക്കാഴ്ച നടത്തി.
പശ്ചിമ ബംഗാളിലെ അദാനിയുടെ ബിസിനസ്സ് മേഖലയിലേക്കുള്ള നിക്ഷേപ സാധ്യതകള്‍ ഇരുവരും ചര്‍ച്ച ചെയ്തതായാണ് റിപ്പോര്‍ട്ട്.
അടുത്ത വര്‍ഷം നടക്കുന്ന ബംഗാള്‍ ബിസിനസ് സമ്മേളനത്തില്‍ പങ്കെടുക്കുമെന്ന് അദാനി അറിയിച്ചിട്ടുണ്ട്. മമതയുടെ സന്ദര്‍ശനത്തിന് പിന്നാലെയാണ് അദാനിയുടെ അറിയിപ്പ്. വിവിധ നിക്ഷേപവുമായി ബന്ധപ്പെട്ട് മമതയുമായി സംസാരിച്ചെന്നും അദാനി പറഞ്ഞു. ഒന്നര മണിക്കൂറോളമാണ് ഇരുവരും കൂടിക്കാഴ്ച നടത്തിയത്.
