എന്നെ കൂടി അറസ്റ്റ് ചെയ്യേണ്ടി വരും സി.ബി.ഐക്ക്; ആറ് മണിക്കൂര്‍ പിന്നിട്ടും സി.ബി.ഐ ഓഫീസില്‍ തുടര്‍ന്ന് മമത
ഡൂള്‍ന്യൂസ് ഡെസ്‌ക്
Monday, 17th May 2021, 6:35 pm
കൊല്‍ക്കത്ത: നാരദ കൈക്കൂലിക്കേസില്‍ തൃണമൂല്‍ നേതാക്കളെ അറസ്റ്റ് ചെയ്തതില്‍ പ്രതിഷേധിച്ച് സി.ബി.ഐ ഓഫീസിലെത്തിയ മമത ബാനര്‍ജി ആറ് മണിക്കൂര്‍ പിന്നിട്ടും തിരിച്ചുപോയില്ല.
തൃണമൂല്‍ നേതാക്കളെ നടപടിക്രമങ്ങള്‍ പൂര്‍ത്തിയാക്കാതെയാണ് അറസ്റ്റ് ചെയ്തതെന്ന് മമത പറഞ്ഞു.
‘കൃത്യമായ നടപടിക്രമങ്ങളില്ലാതെയാണ് അവരെ അറസ്റ്റ് ചെയ്തത്. സി.ബി.ഐ എന്നെയും അറസ്റ്റ് ചെയ്യേണ്ടിവരും’ മമത പറഞ്ഞു.
നാരദ കേസില്‍ മന്ത്രിമാരായ ഫിര്‍ഹാദ് ഹക്കിം, സുബ്രത മുഖര്‍ജി, മദന്‍ മിത്ര എം.എല്‍.എ, മുന്‍ മേയര്‍ സോവ്ഹന്‍ ചാറ്റര്‍ജി എന്നിവരാണ് അറസ്റ്റിലായത്. അറസ്റ്റിലായവര്‍ ഇപ്പോള്‍ സി.ബി.ഐ ഓഫീസിലാണുള്ളത്.
