എന്താണ് ഈ രണ്ട് മിനിറ്റില്‍ കണ്ടത്, ശ്വാസം മുട്ടിക്കുന്ന മലയന്‍കുഞ്ഞ് ട്രെയ്‌ലര്‍; എ.ആര്‍. റഹ്മാന്റെയും ഫഹദിന്റെയും മാജിക്, കൂടെ മഹേഷ് നാരായണന്റെയും
എന്റര്‍ടെയിന്‍മെന്റ് ഡെസ്‌ക്
Friday, 24th December 2021, 7:20 pm
കൊച്ചി: 30 വര്‍ഷങ്ങള്‍ക്ക് ശേഷം മലയാളത്തിലേക്ക് എ.ആര്‍. റഹ്മാന്‍ വീണ്ടുമെത്തുന്ന മലയന്‍കുഞ്ഞ് എന്ന ചിത്രത്തിന്റെ ട്രെയ്‌ലര്‍ പുറത്തിറങ്ങി. ഭാവന സ്റ്റുഡിയോസിന്റെ യൂട്യൂബ് ചാനലിലൂടെയാണ് പുറത്തുവിട്ടത്.
.ഒരു സര്‍വൈവല്‍ ത്രില്ലറായി ഒരുങ്ങുന്ന ചിത്രമാണ് മലയന്‍കുഞ്ഞെന്നാണ് ട്രെയ്‌ലര്‍ തരുന്ന സൂചന. ടേക്ക് ഓഫ്’, ‘സി യു സൂണ്‍’, ‘മാലിക്’ എന്നീ ചിത്രങ്ങള്‍ക്ക് ശേഷം മഹേഷും ഫഹദും വീണ്ടും ഒന്നിക്കുന്ന മലയന്‍കുഞ്ഞ് സംവിധാനം ചെയ്യുന്നത് നവാഗതനായ സജിമോനാണ്.
മഹേഷ് നാരായണന്‍ ആണ് ചിത്രത്തിന്റെ തിരക്കഥ. സെഞ്ച്വറി ഫിലിംസാണ് ചിത്രം തീയേറ്ററുകളിലെത്തിക്കുന്നത്. സുഷിന്‍ ശ്യാം ആണ് ചിത്രത്തിന്റെ സംഗീതം.
