വിദേശരാജ്യമായ യു.എ.ഇയുടെ ലോകകപ്പ് ടീമിനെ നയിക്കാന്‍ കണ്ണൂര്‍ക്കാരന്‍ മലയാളി
സ്പോര്‍ട്സ് ഡെസ്‌ക്
Saturday, 18th December 2021, 11:21 am
യു.എ.ഇ അണ്ടര്‍ 19 ക്രിക്കറ്റ് ടീമിന്റെ നായകനായി കണ്ണൂരിലെ അലിഷാന്‍ ഷറഫുവിനെ തെരഞ്ഞെടുത്തു. കണ്ണൂര്‍ രാമന്തളി സ്വദേശി ഷറഫുദ്ദീന്റെയും പഴയങ്ങാടി വാടിക്കല്‍ റുഫൈസയുടെയും മകനാണ് അലിഷാന്‍ ഷറഫു.
ഇതാദ്യമായാണ് യു.എ.ഇ ക്രിക്കറ്റ് ടീമിന്റെ നായകസ്ഥാനത്തേക്ക് ഒരു മലയാളി താരം എത്തുന്നത്. അണ്ടര്‍ 19 ഏഷ്യാ കപ്പ്, ലോകകപ്പ് എന്നിവയിലാണ് ഓള്‍റൗണ്ടറായ ഈ പതിനെട്ടുകാരന്‍ ടീമിനെ നയിക്കുക.
ഈ മാസം 23ന് ഏഷ്യാ കപ്പില്‍ ഇന്ത്യയ്‌ക്കെതിരെയാണ് അലിഷാന്റെ നായകനായുള്ള അരങ്ങേറ്റം.
