കൊല്‍ക്കത്ത: ഇന്നലെ നടന്ന കൊല്‍ക്കത്ത ഫുട്‌ബോള്‍ ലീഗ് മത്സരത്തിനുശേഷം മൈതാനത്തും ഗാലറിയിലും പ്രളയക്കെടുതിയില്‍ വലയുന്ന കേരളത്തിനായി സഹായമഭ്യര്‍ത്ഥിച്ച് മലയാളി ഫുട്‌ബോള്‍ താരങ്ങള്‍. ഈസ്റ്റ് ബംഗാളിന്റെ മലയാളി താരങ്ങളായ ജോബി ജസ്റ്റിനും ഉബൈദ് സി.കെയും മിര്‍ഷാദുമാണ് ആര്യന്‍ ക്ലബിനെതിരായ മത്സരവിജയത്തിനുശേഷം ബക്കറ്റെടുത്ത് കാണികള്‍ക്ക് മുന്നിലെത്തിയത്.
താരങ്ങള്‍ തങ്ങള്‍ക്ക് മുന്നിലെത്തിയപ്പോള്‍ സംഭാവന നല്‍കാന്‍ കാണികളും മടിച്ചില്ല.
നേരത്തെ ഇന്ത്യന്‍ ഫുട്‌ബോള്‍ ടീം നായകന്‍ സുനില്‍ ഛേത്രി കേരളത്തെ സഹായിക്കണമെന്നഭ്യര്‍ത്ഥിച്ച് രംഗത്തെത്തിയിരുന്നു.
ALSO READ: ഇന്ത്യ- ഇംഗ്ലണ്ട് മൂന്നാം ടെസ്റ്റിനിടെ കേരളത്തിന് സഹായമഭ്യര്‍ത്ഥിച്ച് സോണി സിക്‌സ്
ബാഴ്‌സലോണ, ലിവര്‍പൂള്‍, ചെല്‍സി ക്ലബുകളും കേരളത്തിന് പിന്തുണയുമായി രംഗത്തെത്തിയിരുന്നു.
ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കറും കേരളത്തിന് പിന്തുണയറിയിച്ചിട്ടുണ്ട്. ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോയുടെ ശ്രദ്ധ ക്ഷണിക്കാന്‍ മലയാളികള്‍ സോഷ്യല്‍ മീഡിയയില്‍ ക്യാംപെയ്ന്‍ നടത്തുന്നുണ്ട്.
ചിത്രം കടപ്പാട്- ഫേസ്ബുക്ക്‌
WATCH THIS VIDEO: