പരിപാടിയുമായി ബന്ധപ്പെട്ട പരസ്യം നല്‍ക്കാത്തതില്‍ പ്രതിഷേധിച്ച് ഏഷ്യാനെറ്റിന്റെ കെ. മാധവന്‍ പ്രസിഡന്റും കൈരളിയിലെ ജോണ്‍ ബ്രിട്ടാസ് സെക്രട്ടറിയുമായ കേരള ടെലിവിഷന്‍ ഫെഡറേഷനാണ് തൊടുപുഴയിലെ സര്‍ക്കാര്‍ പരിപാടി ബഹിഷ്‌കരിക്കാന്‍ തീരുമാനമെടുത്തത്. മനോരമ ചാനല്‍ ഉള്‍പ്പെടെ സര്‍ക്കാര്‍ പരിപാടി ഈ പിന്തുണ നല്‍കുന്നുണ്ടെന്നുള്ളതാണ് ശ്രദ്ധേയം.
നേരത്തെ ഏഷ്യന്‍ ഗെയിംസിന്റെ പരസ്യം കിട്ടാത്തതുമായി ബന്ധപ്പെട്ട് ചടങ്ങ് ബഹിഷ്‌കരിക്കാന്‍ ചാനലുകള്‍ തീരുമാനിച്ചിരുന്നുവെങ്കിലും മനോരമ ചാനല്‍ സര്‍ക്കാരിനൊപ്പം ഉറച്ചു നില്‍ക്കുകയായിരുന്നു. അതുവഴി വലിയൊരു തുകയുടെ പരസ്യം മനോരമയ്ക്ക് ലഭിക്കുകയും ചെയ്തിരുന്നു.
തൊടുപുഴയില്‍ തിങ്കളാഴ്ച്ച രാവിലെ 9 ന് മുഖ്യമന്ത്രി ഉമ്മന്‍ചാണ്ടിയാണ് സര്‍ക്കാര്‍ സംരംഭമായ ഹില്ലി അക്വ കുപ്പിവെള്ളത്തിന്റെ ഉദ്ഘാടനം നിര്‍വ്വഹിക്കുക, ജലവിഭവ വകുപ്പ് മന്ത്രി പി.ജെ.ജോസഫ്, എം.പിമാര്‍, എം.എല്‍.എ മാര്‍ തുടങ്ങിയ ജനപ്രതിനിധികള്‍ ചടങ്ങില്‍ പങ്കെടുക്കും.