മോസ്‌കോ ഇന്റര്‍നാഷണല്‍ ഫിലിം ഫെസ്റ്റിവലിലേക്ക് ഒഫീഷ്യല്‍ സെലക്ഷന്‍; വേള്‍ഡ് പ്രീമിയറിന് ഒരുങ്ങി പുല്ല്
എന്റര്‍ടെയിന്‍മെന്റ് ഡെസ്‌ക്
Sunday, 31st July 2022, 7:17 pm
44-ാമത് മോസ്‌കോ ഇന്റര്‍നാഷണല്‍ ഫിലിം ഫെസ്റ്റിവലിലേക്ക് ഒഫീഷ്യല്‍ സെലക്ഷന്‍ നേടി മലയാള ചലച്ചിത്രം പുല്ല് – റൈസിങ്. റിലീജിയസ് പൊളിറ്റിക്‌സ് സംസാരിക്കുന്ന സിനിമ ഇതിനോടകം തന്നെ പതിനൊന്നോളം ചലച്ചിത്രമേളകളില്‍ നിന്ന് ഇരുപത്തിയഞ്ചോളം പുരസ്‌കാരങ്ങള്‍ നേടിയിട്ടുണ്ട്. നവാഗതനായ അമല്‍ നൗഷാദാണ് ചിത്രത്തിന്റെ സംവിധാനം.
ഓഗസ്റ്റ് 26 മുതല്‍ സെപ്റ്റംബര്‍ 2 വരെ റഷ്യയിലെ മോസ്‌കോവില്‍ വെച്ച് നടക്കുന്ന മോസ്‌കോ ഇന്റര്‍നാഷണല്‍ ഫിലിം ഫെസ്റ്റിവല്‍ ലോകത്തിലെ ഏറ്റവും പഴക്കം കൂടിയ ചലച്ചിത്രമേളകളില്‍ ഒന്നാണ്. അതിനാല്‍ തന്നെ സിനിമയും സിനിമ സംസാരിക്കുന്ന വിഷയവും ലോകസിനിമാ പ്രേക്ഷകര്‍ക്ക് മുന്നില്‍ പ്രദര്‍ശിപ്പിക്കപ്പെടാന്‍ പോകുന്നതിന്റെ സന്തോഷത്തിലാണ് അണിയറ പ്രവര്‍ത്തകര്‍.
