ന്യൂദല്‍ഹി: ഡല്‍ഹി ഡൈനാമോസിനെ തകര്‍ത്തുവിട്ട കേരള ബ്ലാസ്റ്റേഴ്സിലെ ഇയാന്‍ ഹ്യൂമിന്റെ പ്രകടനം കണ്ട് ആവേശത്താല്‍ കമന്ററി ബോക്സില്‍ നിയന്ത്രണം വിട്ട മലയാളി കമന്റേറ്റര്‍ ഷൈജു മോന്റെ വീഡിയോ സോഷ്യല്‍ മീഡിയയില്‍ വൈറലാവുന്നു.
ഐ.എസ്.എല്‍ മത്സര കമന്റേറ്ററും ആങ്കറുമായ ആനന്ദ് ത്യാഗിയാണ് ഷൈജു മോന്റെ വീഡിയോ ട്വിറ്ററിലൂടെ പങ്കുവെച്ചത്.
ഹാട്രിക് തികച്ച ഹ്യൂമേട്ടന്റെ കാലില്‍ നിന്നും നിന്ന പിറന്ന രണ്ടാമത്തെ ഗോളിനെ “വേള്‍ഡ്ക്ലാസ് എക്‌സപ്ഷണല്‍ പേഴ്‌സണല്‍ ബ്രില്യന്‍സ്” എന്നായിരുന്നു ഷൈജുമോന്‍ വിശേഷിപ്പിച്ചത്. ഐ.എസ്.എല്‍.എല്‍ ചരിത്രത്തിലെ ഓള്‍ടൈം ടോപ് സ്‌കോററായ ഇയാന്‍ ഹ്യൂം തന്റെ വിശ്വരൂപം പുറത്തെടുത്തിരിക്കുകയാണെന്നും ഷൈജുമോന്‍ പറയുകയുണ്ടായി.
This is just a replay of every @Humey_7 goal tonight but its commentary gold and it comes from our legendary Malayalam commentator Shaijumon. Enjoy it @KeralaBlasters and @kbfc_manjappada. Passion you just cannot match! Legends both ???? pic.twitter.com/WZRe4QmAbD
— Anant Tyagi (@anant174) January 10, 2018
ഐ.എസ്.എല്ലില്‍ ദല്‍ഹിക്കെതിരായ നിര്‍ണായക മത്സരത്തില്‍ കൊടും തണുപ്പിനെ വകവെക്കാതെ പന്തിനു മുകളില്‍ മികച്ച നിയന്ത്രണം കാത്തുസൂക്ഷിച്ച ഹ്യൂം 1-ാം മിനിറ്റിലെ ഗോളിന് ശേഷം 78-ാം മിനിറ്റിലും 83-ാം മിനിറ്റിലും ലക്ഷ്യം കാണുകയായിരുന്നു.
ഇതോടെ സോഷ്യല്‍ മീഡിയയ്ക്കും ആരാധകരുമെല്ലാം ഹ്യൂമേട്ടന് പിന്തുണയും അഭിനന്ദവുമായി രംഗത്തെത്തി.