മലപ്പുറത്ത് കൊവിഡ് 19 നിരീക്ഷണത്തിലുണ്ടായിരുന്ന 85 കാരന്‍ മരിച്ചു, മരണം അന്തിമഫലം വരാനിരിക്കെ
ഡൂള്‍ന്യൂസ് ഡെസ്‌ക്
Saturday, 18th April 2020, 9:07 am
മലപ്പുറം: മലപ്പുറത്ത് കൊവിഡ് 19 രോഗത്തെ തുടര്‍ന്ന് നീരിക്ഷണത്തിലായിരുന്ന 85 കാരന്‍ മരിച്ചു. കീഴാറ്റൂര്‍ സ്വദേശി വീരാന്‍കുട്ടിയാണ് (85) മരിച്ചത്.
മഞ്ചേരി മെഡിക്കല്‍ കോളെജില്‍ നിരീക്ഷണത്തിലായിരുന്ന ഇദ്ദേഹത്തിന്റെ കഴിഞ്ഞ മൂന്ന് പരിശോധനാഫലവും നെഗറ്റീവ് ആയിരുന്നു. ഒരു പരിശോധനാഫലം കൂടി വരാനിരിക്കെയാണ് മരണം.
ആവര്‍ത്തിച്ചുള്ള സ്രവപരിശോധനകള്‍ നെഗറ്റീവ് ആയി വന്നതിന് ശേഷമാണ് രോഗിയെ ഡിസ്ചാര്‍ജ് ചെയ്തത്. വര്‍ഷങ്ങളായി വൃക്കരോഗത്തിന് ചികിത്സ തുടരുന്ന ആളായിരുന്നു മരിച്ച വീരാന്‍കുട്ടി. സുപ്രധാന അവയവങ്ങളെ ബാധിക്കുന്ന മറ്റു രോഗങ്ങളും ഉണ്ടായിരുന്നു.
