ഗീബല്‍സിന്‍റെ ഗതിയായിരിക്കും; നുണയന്മാര്‍ ഓര്‍ത്തോളൂ മെയ് 2 പുതിയ ഉദയമാണ്; ബി.ജെ.പിക്ക് മഹുവയുടെ താക്കീത്
ഡൂള്‍ന്യൂസ് ഡെസ്‌ക്
Saturday, 3rd April 2021, 1:09 pm
കൊല്‍ക്കത്ത: പശ്ചിമ ബംഗാളില്‍ ബി.ജെ.പിക്കെതിരെ രൂക്ഷ വിമര്‍ശനവുമായി തൃണമൂല്‍ എം.പി മഹുവ മൊയ്ത്ര. തുടര്‍ച്ചയായി നുണകള്‍ പ്രചരിപ്പിക്കുന്ന പാര്‍ട്ടി നേതൃത്വത്തെ രൂക്ഷമായി വിമര്‍ശിച്ചാണ് മഹുവ മുന്നോട്ട് വന്നത്.
”നുണകള്‍ വീണ്ടും വീണ്ടും പ്രചരിപ്പിക്കാന്‍ 24 മണിക്കൂറും പണിയെടുക്കുന്ന ബി.ജെ.പി ട്രോള്‍ സേന മുഖ്യന്മാര്‍ ഒന്നാം ഘട്ട വോട്ടെടുപ്പും രണ്ടാം ഘട്ട വോട്ടെടുപ്പും തങ്ങള്‍ വിജയിച്ചുവെന്ന് ആവര്‍ത്തിക്കുകയാണ്.
ഗീബല്‍സും അത് തന്നെയാണ് ചെയ്തത്. പിന്നീട് 1945 മെയ് ഒന്നിന് ഗീബല്‍സ് കുടുംബത്തോടെ ആത്മഹത്യ ചെയ്യുകയായിരുന്നു. മെയ് 2 പുതിയ ഉദയമാണ്,” മഹുവ പറഞ്ഞു.
