ഏതാണ് സര്‍ നിങ്ങള്‍ പറഞ്ഞ ആ പദ്ധതികള്‍! അമിത് ഷായെ ഉത്തരംമുട്ടിച്ച് മഹുവ
ഡൂള്‍ന്യൂസ് ഡെസ്‌ക്
Thursday, 25th March 2021, 6:53 pm
കൊല്‍ക്കത്ത: പശ്ചിമബംഗാള്‍ മുഖ്യമന്ത്രി മമതാ ബാനര്‍ജിക്കെതിരെ കേന്ദ്രആഭ്യന്തരമന്ത്രി അമിത് ഷാ നടത്തിയ ആരോപണങ്ങള്‍ക്ക് പിന്നാലെ മറുപടിയുമായി തൃണമൂല്‍കോണ്‍ഗ്രസ് നേതാവ് മഹുവ മൊയ്ത്ര.
പ്രധാനമന്ത്രി നരേന്ദ്ര മോദി 115 വികസന പദ്ധതികള്‍ കൊണ്ടുവന്നപ്പോള്‍ മമത 115 അഴിമതികളാണ് കൊണ്ടുവന്നത് എന്നായിരുന്നു അമിത് ഷായുടെ ആരോപണം. എന്നാല്‍ എന്ത് വികസന പദ്ധതികളാണ് കേന്ദ്രം കൊണ്ടുവന്നതെന്ന് പറയാന്‍ പറ്റുമോ എന്നാണ് മഹുവ അമിത് ഷായോട് ചോദിച്ചത്.
” ആദരണീയനായ ആഭ്യന്തരമന്ത്രി പറയുന്നു മമത അഴിമതിക്കും മോദി പദ്ധതികള്‍ക്കുമാണെന്ന് .
ഏത് പദ്ധതിയാണ്? ഇതുവരെ നടപ്പിലാകാത്ത വ്യാജ പി.എം.എ.വൈ പദ്ധതിയോ? ആര്‍ക്കും താങ്ങാനാവാത്ത 900 രൂപയുടെ സിലിന്റര്‍റോ?
ഇതുവരെ ആരും കാണാത്ത 2000 കോടിയുടെ വെന്റിലേറ്ററുകളോ? വാസ്തവത്തില്‍ ഇതിലേതാണ് സര്‍?” മഹുവ ചോദിച്ചു.
