കൊല്‍ക്കത്ത: ഗോമൂത്രം കുടിക്കുന്നതിനാലാണ് തനിക്ക് കൊവിഡ് വരാത്തതെന്ന് പറഞ്ഞ ബി.ജെ.പി എം. പി പ്രജ്ഞ സിംഗ് ഠാക്കൂറിന്റെ പരാമര്‍ശത്തില്‍ പ്രതികരണവുമായി തൃണമൂല്‍ എം.പി മഹുവ മൊയ്ത്ര.
ഇങ്ങനെ പറയുന്നവരെയൊക്കെ നിര്‍ബന്ധമായും അറസ്റ്റ് ചെയ്യാനുള്ള സംവിധാനം പകര്‍ച്ചാവ്യാധി നിയമത്തില്‍ ഉള്‍പ്പെടുത്തേണ്ടിയിരിക്കുന്നു എന്ന് മഹുവ പറഞ്ഞു. ട്വിറ്ററിലൂടെയായിരുന്നു മഹുവയുടെ പ്രതികരണം.
‘കൊവിഡില്‍ നിന്ന് പശു മൂത്രം സംരക്ഷിക്കുന്നുവെന്നും ഓക്‌സിജന്‍ ശരീരത്തിന് ലഭിക്കുന്നുവെന്നും ബ്ലാസ്റ്റ് ലേഡി ഇപ്പോള്‍ പറയുന്നു. ലോകം ഒരു മഹാമാരിയെ നേരിടുന്ന സമയത്ത് ഇത്തരം വിവരങ്ങള്‍ പ്രചരിപ്പിക്കുന്നവരെ അറസ്റ്റ് ചെയ്യാനുള്ള സംവിധാനം പകര്‍ച്ചാവ്യാധി നിയമത്തില്‍ ഉള്‍പ്പെടുത്തേണ്ടത് അത്യാവശ്യമാണ്,’ മഹുവ പറഞ്ഞു.
Blast Lady now says cow urine protects from Covid & peepal prevents oxygen crisis.
Epidemic Act should include strong section for mandatory arrest for spreading dangerous info during deadly pandemichttps://t.co/PhzC1LTDIW via @IndianExpress
— Mahua Moitra (@MahuaMoitra) May 17, 2021
പാര്‍ട്ടി പരിപാടിക്കിടെയായിരുന്നു ഗോമൂത്രം കുടിക്കുന്നതു കൊണ്ടാണ് തനിക്ക് കൊറോണ വരാത്തതെന്ന് പ്രജ്ഞ സിംഗ് പറഞ്ഞത്. ഗോമൂത്രത്തിന് കൊവിഡ് മൂലമുണ്ടാകുന്ന ശ്വാസകോശ അണുബാധയെ ഭേദമാക്കാന്‍ സാധിക്കുമെന്നും പ്രജ്ഞ പറഞ്ഞിരുന്നു.
