മഹാരാഷ്ട്രയില്‍ പൊതുസ്ഥലം കയ്യേറി ശിവജിയുടെ പ്രതിമ സ്ഥാപിച്ച് എം.എല്‍.എ; നീക്കം ചെയ്ത് പൊലീസ്
ഡൂള്‍ന്യൂസ് ഡെസ്‌ക്
Sunday, 16th January 2022, 8:54 pm
അമരാവതി: മഹാരാഷ്ട്രയിലെ അമരാവതിയില്‍ അനധികൃതമായി സ്ഥാപിച്ച ശിവജി പ്രതിമ പൊലീസ് നീക്കം ചെയ്തു. അമരാവതിയിലെ എം.എല്‍.എയാണ് അനധികൃതമായി പ്രതിമ സ്ഥാപിച്ചത്.
ദേശീയ വാര്‍ത്താ ഏജന്‍സിയായ പി.ടി.ഐയാണ് വാര്‍ത്ത റിപ്പോര്‍ട്ട് ചെയ്യുന്നത്.
അമരാവതിയിലെ സ്വതന്ത്ര എം.എല്‍എയായ രവി റാണയാണ് ജനുവരി 12ന് രാജ്‌പെത്ത് മേല്‍പാലത്തിന് സമീപം പ്രതിമ സ്ഥാപിച്ചത്. എന്നാല്‍ യാതൊരു വിധത്തിലുള്ള നടപടി ക്രമങ്ങളും പാലിക്കാതെ, സ്ഥലം കയ്യേറിയാണ് പ്രതിമ സ്ഥാപിച്ചതെന്നാണ് ഉദ്യോഗസ്ഥര്‍ പറയുന്നത്.
തുടര്‍ന്ന് ശനിയാഴ്ച രാത്രി ഏറെ വൈകി പൊലീസ് ഉദ്യോഗസ്ഥരുടെ സാന്നിധ്യത്തിലാണ് പ്രതിമ നീക്കം ചെയ്തതെന്ന് അമരാവതി പൊലീസ് കമ്മീഷണര്‍ ആര്‍തി സിംഗ് പി.ടി.ഐയോട് പറഞ്ഞു.
