മുംബൈ: കരുത്ത് തെളിയിക്കാന്‍ എം.എല്‍എമാരുടെ യോഗം വിളിച്ചുചേര്‍ത്ത് ശിവസേനയും എന്‍.സി.പിയും കോണ്‍ഗ്രസും. ഏഴുമണിക്ക് മുംബൈയിലെ പഞ്ചനക്ഷത്ര ഹോട്ടലില്‍വെച്ചാണ് യോഗം.
ശിവസേന-എന്‍.സി.പി-കോണ്‍ഗ്രസ് സഖ്യത്തിനൊപ്പം 162 എം.എല്‍.എമാരുണ്ടെന്നും അവരെ എല്ലാവരെയും വൈകിട്ട് ഏഴുമണിക്ക് മുംബൈയിലെ ഒരു ഹോട്ടലില്‍ ഒരുമിച്ച് അണിനിരത്തുമെന്നും ശിവസേനാ നേതാവ് സഞ്ജയ് റാവത്ത് ട്വീറ്റ് ചെയ്തു. മഹാരാഷ്ട്രാ ഗവര്‍ണര്‍ ഭഗത് സിങ് കോശ്യാരിയെ വെല്ലുവിളിച്ചാണ് അദ്ദേഹത്തിന്റെ ട്വീറ്റ്.
We are all one and together , watch our 162 together for the first time at grand Hyatt at 7 pm , come and watch yourself @maha_governor pic.twitter.com/hUSS4KoS7B
— Sanjay Raut (@rautsanjay61) 25 November 2019
‘ഞങ്ങളെല്ലാവരും ഒറ്റക്കെട്ടാണ്. രാത്രി ഏഴുമണിക്ക് ഗ്രാന്‍ഡ് ഹയാത്ത് ഹോട്ടലില്‍ 162 എം.എല്‍.എമാരെയും ആദ്യമായി ഒരുമിച്ച് അണിനിരത്തുകയാണ്. മഹാരാഷ്ട്രാ ഗവര്‍ണര്‍ നേരിട്ട് വന്ന് കണ്ടോളൂ’, റാവത്തിന്റെ ട്വീറ്റ് ഇങ്ങനെ. ഞങ്ങള്‍ 162 എന്ന ചിത്രത്തോടുകൂടിയാണ് ട്വീറ്റ്.
