സംസ്ഥാനത്ത് വീണ്ടും ട്രെയിന്‍ തീയിടാന്‍ ശ്രമം; ഒരാള്‍ പിടിയില്‍; സംഭവത്തില്‍ ദുരൂഹത
ഡൂള്‍ന്യൂസ് ഡെസ്‌ക്
Monday, 5th June 2023, 7:11 pm
കോഴിക്കോട്: ദുരൂഹതയുണര്‍ത്തി സംസ്ഥാനത്ത് വീണ്ടും ട്രെയിന്‍ തീയിടാന്‍ ശ്രമം. കൊയിലാണ്ടി റെയില്‍വേ സ്‌റ്റേഷന് സമീപം വെച്ചാണ് കണ്ണൂര്‍-എറണാകുളം ഇന്റര്‍സിറ്റി എക്‌സ്പ്രസിന് നേരെയാണ് തീവെപ്പ് ശ്രമം ഉണ്ടായത്.
ട്രെയിനിനുള്ളില്‍ തീയിടാന്‍ ശ്രമിച്ച ഇതരസംസ്ഥാനക്കാരനാണ് പിടിയിലായത്. മഹാരാഷ്ട്ര സ്വദേശിയായ ഇരുപതുകാരനെയാണ് റെയില്‍വേ പൊലീസ് കസ്റ്റഡിയിലെടുത്തിരിക്കുന്നത്.
ഇയാള്‍ മാനസിക വെല്ലുവിളി നേരിടുന്ന ആളാണെന്ന റിപ്പോര്‍ട്ടുകളും പുറത്തുവരുന്നുണ്ട്. ട്രെയിന്‍ കൊയിലാണ്ടി പിന്നിടുമ്പോഴാണ് സംഭവം ശ്രദ്ധയില്‍പ്പെട്ടത്. തീയിടാന്‍ ശ്രമിക്കുന്നതിനിടെ യാത്രക്കാര്‍ ഇയാളെ പിടികൂടി റെയില്‍വേ പൊലീസിന് കൈമാറുകയായിരുന്നു. റെയില്‍വേ പൊലീസ് ഇയാളെ ചോദ്യം ചെയ്യുകയാണ്.
