583 പുതിയ കേസുകള്‍, മഹാരാഷ്ട്രയില്‍ കൊവിഡ് രോഗികളുടെ എണ്ണം 10,000 കടന്നു
ഡൂള്‍ന്യൂസ് ഡെസ്‌ക്
Thursday, 30th April 2020, 10:35 pm
മുംബൈ: വ്യാഴാഴ്ച 583 പുതിയ കേസുകള്‍ക്കൂടി റിപ്പോര്‍ട്ട് ചെയ്തതോടെ മഹാരാഷ്ട്രയില്‍ കൊവിഡ് രോഗികളുടെ എണ്ണം 10,000 കടന്നു. ഇപ്പോള്‍ സംസ്ഥാനത്തെ ആകെ രോഗികളുടെ എണ്ണം 10,490 ആണ്. ഇതില്‍ 7,061 കേസുകളും മുംബൈയില്‍നിന്നാണ്.
ധാരാവില്‍ വ്യാഴാഴ്ച 25 പേര്‍ക്ക് പുതുതായി രോഗം സ്ഥിരീകരിച്ചു.
വ്യാഴാഴ്ച 27 കൊവിഡ് രോഗികള്‍ മരിച്ചു. ഇതോടെ സംസ്ഥാന സര്‍ക്കാര്‍ പുറത്തുവിട്ട കണക്കുകളനുസരിച്ച് മരണസംഖ്യ 450 ആയി. മുംബൈയില്‍ മാത്രം ഇതുവരെ 290 പേര്‍ മരിച്ചു.
മുംബൈ കഴിഞ്ഞാല്‍ കൊവിഡ് രോഗികള്‍ ഏറ്റവും അധികം ഉള്ളത് പൂനെയിലാണ്. നഗരത്തില്‍ ഇതുവരെ 1,379 പേര്‍ക്ക് രോഗം സ്ഥിരീകരിച്ചു. 80 പേരാണ് പൂനെയിലെ മരണസംഖ്യ.
