കര്‍ണാടക ക്രിക്കറ്റ് അസോസിയേഷന്റെ നേതൃത്വത്തില്‍ നടക്കുന്ന മഹാരാജാ ട്രോഫി കെ.എസ്.സി.എ ടി-20യുടെ ഫിക്‌സ്ചര്‍ പ്രഖ്യാപിച്ചു. ആഗസ്റ്റ് ഏഴിനാണ് ടൂര്‍ണമെന്റിലെ ആദ്യ മത്സരം.
മൈസൂരുവിലെ ശ്രീകണ്ഠദത്ത നരസിംഹരാജ വോഡയാര്‍ ക്രിക്കറ്റ് ഗ്രൗണ്ടില്‍ നടക്കുന്ന ഉദ്ഘാടന മത്സരത്തില്‍ ഹുബ്ലി ടൈഗേഴ്‌സ് മുന്‍ ഇന്ത്യന്‍ താരം സ്റ്റുവര്‍ട്ട് ബിന്നിയുടെ പരിശീലനത്തിലിറങ്ങുന്ന മംഗളൂരു യുണൈറ്റഡിനെ നേരിടും.
രണ്ടാം മത്സരത്തില്‍ മൈസൂരു വാറിയേഴ്‌സ് ശിവമോഗ സ്‌ട്രൈക്കേഴ്‌സിനെ നേരിടും.
18 മത്സരങ്ങളാണ് ആകെ ടൂര്‍ണമെന്റിലുള്ളത്. മഹാരാജാ ട്രോഫിക്കായുള്ള ഫൈനല്‍ മത്സരം ആഗസ്റ്റ് 26ന് ബെംഗളൂരു ചിന്നസ്വാമി സ്റ്റേഡിയത്തില്‍ വെച്ചാണ് നടക്കുന്നത്.
മൈസൂരു മഹാരാജവും കര്‍ണാടക സ്‌റ്റേറ്റ് ക്രിക്കറ്റ് അക്കാദമിയുടെ മുന്‍ അധ്യക്ഷനുമായ എച്ച്.ആര്‍.എച്ച് ശ്രീകണ്ഠദത്ത നരസിംഹരാജ വോഡയാറുടെ ഓര്‍മയ്ക്കായാണ് ടൂര്‍ണമെന്റ് നടക്കുന്നത്.
