മലപ്പുറത്തെ വെള്ളാട്ടുപറമ്പില്‍ ഇനിയാരും വിശന്നിരിക്കണ്ട; ഒരു ഗ്രാമത്തിന്റെ വിശപ്പകറ്റാന്‍ സൗജന്യ സൂപ്പര്‍മാര്‍ക്കറ്റുമായി മഹല്ല് കമ്മിറ്റി
ഡൂള്‍ന്യൂസ് ഡെസ്‌ക്
Friday, 5th March 2021, 7:48 am
മലപ്പുറം: വെള്ളാട്ടുപറമ്പില്‍ ജീവിതത്തിന്റെ രണ്ടറ്റവും കൂട്ടിമുട്ടിക്കാന്‍ പ്രയാസപ്പെടുന്ന കുടുംബങ്ങളാരും ഇനി പട്ടിണി കിടക്കേണ്ടി വരില്ല. ഒരു ഗ്രാമത്തിന്റെ വിശപ്പകറ്റാന്‍ സൗജന്യ സൂപ്പര്‍മാര്‍ക്കറ്റ് തുടങ്ങിയിരിക്കുകയാണ് മക്കരപ്പറമ്പ് കാച്ചിനിക്കാട് വെള്ളാട്ടുപറമ്പ് മസ്ജിദ് നൂര്‍ മഹല്ല് കമ്മിറ്റി.
കലവറ എന്നാണ് സൂപ്പര്‍മാര്‍ക്കറ്റിന് പേര്. മക്കരപ്പറമ്പ്, കാച്ചിനിക്കാട്, പെരിന്താറ്റിരി, കാളാവ്, വടക്കാങ്ങര മഹല്ലുകള്‍ അതിര്‍ത്തിപങ്കിടുന്ന വെള്ളാട്ടുപറമ്പ് ഗ്രാമത്തിലാണ് മഹല്ല് കമ്മിറ്റിയുടെ കലവറ. അയല്‍വാസി പട്ടിണികിടക്കുമ്പോള്‍ വയറുനിറച്ചുണ്ണുന്നവന്‍ നമ്മില്‍പ്പെട്ടവനല്ലെന്ന പ്രവാചകന്റെ വചനത്തെ പിന്‍പറ്റിയാണ് പദ്ധതിയൊരുക്കിയത്.
