പോക്സോ കേസില്‍ മദ്രസ അധ്യാപകന് 67 വര്‍ഷം കഠിന തടവ്
ഡൂള്‍ന്യൂസ് ഡെസ്‌ക്
Tuesday, 28th February 2023, 4:03 pm
തൃശൂര്‍: പോക്സോ കേസില്‍ മദ്രസ അധ്യാപകന് 67 വര്‍ഷം കഠിന തടവും എണ്‍പതിനായിരം രൂപ പിഴയും ശിക്ഷ വിധിച്ച് കോടതി. പ്രായപൂര്‍ത്തിയാകാത്ത ആണ്‍കുട്ടിയെ പീഡനത്തിന് ഇരയാക്കിയ കേസില്‍ ചെര്‍പ്പുളശ്ശേരി സ്വദേശി റഷീദിനെയാണ് കോടതി ശിക്ഷിച്ചത്.
കുന്നംകുളം ഫാസ്റ്റ് ട്രാക്ക് സ്പെഷ്യല്‍ പോക്സോ കോടതി ജഡ്ജി ലിഷ .എസാണ് ശിക്ഷവിധിച്ചത്. 2020 ആഗസ്റ്റ് 25ന് വൈകീട്ടാണ് കേസിനാസ്പദമായ സംഭവം നടന്നത്.
അധ്യാപകനില്‍ നിന്നേറ്റ പീഡന വിവരം കുട്ടി വീട്ടില്‍ പറഞ്ഞതോടെ മാതാപിതാക്കള്‍ പൊലീസില്‍ പരാതി നല്‍കുകയായിരുന്നു. പാവറട്ടി പൊലീസാണ് കേസെടുത്തിരുന്നത്.
