സൗബിന്‍ ചിത്രം ജിന്നിന്റെ റിലീസ് സ്റ്റേ ചെയ്ത് മദ്രാസ് ഹൈക്കോടതി
ഡൂള്‍ന്യൂസ് ഡെസ്‌ക്
Thursday, 12th November 2020, 3:49 pm
ചെന്നൈ: സൗബിന്‍ ഷാഹിര്‍ നായകനായെത്തുന്ന പുതിയ ചിത്രം ജിന്നിന്റെ റിലീസ് തടഞ്ഞ് മദ്രാസ് ഹൈക്കോടതി. സൈട്രൈറ്റ് ലൈന്‍ സിനിമാസിനെതിരായി കാര്‍ത്തി അഭിനയിച്ച കൈദി എന്ന സിനിമയുടെ നിര്‍മാതാക്കളായ ഡ്രീം വാരിയര്‍ പിക്‌ചേഴ്‌സ് നല്‍കിയ കേസിലാണ് ഹൈക്കോടതിയുടെ സ്റ്റേ.
മദ്രാസ് ഹൈക്കോടതി ജഡ്ജ് രാധാകൃഷ്ണനാണ് വിധി പുറപ്പെടുവിച്ചത്. വന്‍ വിജയമായിരുന്ന കൈദിയുടെ ലാഭ വിഹിതം പല തവണ ആവശ്യപ്പെട്ടിട്ടും കരാര്‍ പ്രകാരം നല്‍കാത്തതിനെ തുടര്‍ന്നാണ് ഡ്രീം വാരിയര്‍ പിക്‌ചേഴ്‌സ് സ്‌ട്രൈറ്റ് ലൈന്‍ സിനിമാസിനെതിരെ കോടതിയെ സമീപിച്ചത്. കൈദി സിനിമയുടെ കേരളത്തിലെ വിതരണം സ്‌ട്രൈറ്റ് ലൈന്‍ സിനിമാസായിരുന്നു.
