സീബ്രാക്രോസില്‍ നൃത്തം, വൈറലായതിന് പിന്നാലെ യുവതിക്കെതിരെ പൊതുശല്യത്തിന് കേസും പിഴയും
ഡൂള്‍ന്യൂസ് ഡെസ്‌ക്
Thursday, 16th September 2021, 5:10 pm
ഇന്‍ഡോര്‍: ഇന്‍ഡോറിലെ തിരക്കേറിയ സ്‌ക്വയറില്‍ സീബ്രാ ക്രോസിംഗില്‍ നൃത്തം ചെയ്ത യുവതിക്കെതിരെ പൊലീസ് കേസ്.
വീഡിയോ സോഷ്യല്‍ മീഡിയയില്‍ വൈറലായതിന് പിന്നാലെയാണ് പൊലീസ് കേസ് രജിസ്ട്രര്‍ ചെയ്തത്. പൊതുശല്യമുണ്ടാക്കിയതിനാണ് ശ്രേയ കല്‍റ എന്ന യുവതിക്കെതിരെ കേസ്.
30 സെക്കന്‍ഡ് ദൈര്‍ഘ്യമുള്ള വീഡിയോയില്‍, കറുത്ത വസ്ത്രം ധരിച്ച്, അതേ നിറത്തിലുള്ള മാസ്‌കും തൊപ്പിയും ധരിച്ച യുവതി , വാഹനങ്ങള്‍ നിര്‍ത്തിയയുടനെ ഇംഗ്ലീഷ് ഗാനമായ ‘ലെറ്റ് മി ബി യുവര്‍ വുമണ്‍’ എന്ന ഗാനത്തിന് നൃത്തം ചെയ്യാന്‍ തുടങ്ങുകയായിരുന്നു.
വിഷയം വലിയ രീതിയിലുള്ള ചര്‍ച്ചയായതോടെ മധ്യപ്രദേശ് ആഭ്യന്തരമന്ത്രി നരോത്തം മിശ്ര ബുധനാഴ്ച ഇവര്‍ക്കെതിരെ ഉചിതമായ നടപടിയെടുക്കാന്‍ പൊലീസിന് നിര്‍ദേശം നല്‍കിയിരുന്നു.
