പശുവിന്റെ മുന്നില്‍ വെച്ച് മൂത്രമൊഴിച്ചെന്നാരോപിച്ച് യുവാവിന് മര്‍ദനം
ഡൂള്‍ന്യൂസ് ഡെസ്‌ക്
Saturday, 29th January 2022, 5:46 pm
ഭോപ്പാല്‍: മധ്യപ്രദേശിലെ രത്‌ലം ജില്ലയില്‍ പശുവിന്റെ മുന്നില്‍ വെച്ച് മൂത്രമൊഴിച്ചെന്നാരോപിച്ച് യുവാവിനെ മര്‍ദിച്ചു. ഇയാളെ മര്‍ദിക്കുന്നതും അസഭ്യം പറയുന്നതുമായ വീഡിയോ വൈറലായതിനെ തുടര്‍ന്ന് പൊലീസ് ഒരാളെ അറസ്റ്റ് ചെയ്തു.
വിരേന്ദ്ര റാത്തോഡ് എന്നയാളെയാണ് മാനക് ചൗക് പൊലീസ് അറസ്റ്റ് ചെയ്തിട്ടുള്ളത്. ഐ.പി.സി സെക്ഷന്‍ 323 (സ്വേച്ഛയായുള്ള ആക്രമണം) ഐ.പി.സി സെക്ഷന്‍ 294 (പൊതുസ്ഥലത്തെ അസഭ്യ പരാമര്‍ശം) ഐ.പി.സി സെക്ഷന്‍ 506 (ഭീഷണിപ്പെടുത്തല്‍) തുടങ്ങിയ വകുപ്പുകള്‍ പ്രകാരമാണ് ഇയാള്‍ക്കെതിരെ കേസെടുത്തിരിക്കുന്നത്.
പശുവിന്റെ മുന്നില്‍ വെച്ച് മൂത്രമൊഴിച്ചു എന്നാരോപിച്ച് സൈഫുദ്ദീന്‍ പത്‌ലിവാല എന്നയാളെ മര്‍ദിക്കുന്നതും അസഭ്യം പറയുന്നതുമായ വീഡിയോ വ്യാപകമായി ഷെയര്‍ ചെയ്യപ്പെട്ടിരുന്നു.
