പ്രിയങ്ക രാജ്യസഭയിലേക്ക്? മധ്യപ്രദേശില്‍ നിന്നും മത്സരിക്കണമെന്ന ആവശ്യവുമായി മുന്‍ കേന്ദ്രമന്ത്രിയുള്‍പ്പെടെയുള്ളവര്‍
ഡൂള്‍ന്യൂസ് ഡെസ്‌ക്
Monday, 17th February 2020, 9:08 pm
ന്യൂദല്‍ഹി: കോണ്‍ഗ്രസ് നേതാവ് പ്രിയങ്കാഗാന്ധിയെ രാജ്യസഭയിലേക്ക് അയക്കാനുള്ള സജീവചര്‍ച്ചകള്‍ നടക്കുകയാണ് കോണ്‍ഗ്രസില്‍. പിന്നാലെ മധ്യപ്രദേശില്‍ നിന്നും പ്രിയങ്കയെ രാജ്യസഭയിലേക്ക് മത്സരിപ്പിക്കണമെന്ന ആവശ്യവുമായി രംഗത്തെത്തിയിരിക്കുകയാണ് നാല് കോണ്‍ഗ്രസ് നേതാക്കള്‍. അവര്‍ ഇക്കാര്യം നേതൃത്വത്തെ അറിയിച്ചു.
ഈ വര്‍ഷം ഏപ്രിലില്‍ സംസ്ഥാനത്ത് നിന്നുള്ള നാല് രാജ്യസഭ സീറ്റുകള്‍ ഒഴിയും. അതില്‍ ഒരു സീറ്റില്‍ നിലവില്‍ കോണ്‍ഗ്രസ് നേതാവ് ദിദ് വിജയ് സിങാണ്. മറ്റ് രണ്ട് സീറ്റുകള്‍ ബി.ജെ.പിയുടേതും.എന്നാല്‍ 2018 ലെ തെരഞ്ഞെടുപ്പില്‍ പാര്‍ട്ടി വിജയിച്ചത് കൊണ്ട് തന്നെ മൂന്നില്‍ രണ്ട് സീറ്റുകള്‍ കോണ്‍ഗ്രസ് നേടാന്‍ സാധ്യതയുണ്ട്.
