ലാലേട്ടന്‍ ഞങ്ങളെ പോലെ നൃത്തം പഠിച്ചിട്ടില്ല, എങ്കിലും ആ പാട്ടില്‍ അദ്ദേഹത്തിന്റെ നൃത്തം എടുത്ത് പറയേണ്ടതാണ്: മധുബാല
എന്റര്‍ടെയിന്‍മെന്റ് ഡെസ്‌ക്
Tuesday, 10th September 2024, 5:08 pm
1997ല്‍ മണിരത്‌നത്തിന്റെ സംവിധാനത്തില്‍ പുറത്തിറങ്ങിയ ചിത്രമാണ് ഇരുവര്‍. എ.ആര്‍. റഹ്‌മാന്‍ സംഗീത സംവിധാനം നിര്‍വഹിച്ച ഈ ചിത്രം, തമിഴ് രാഷ്ട്രീയനേതാക്കളായിരുന്ന എം.ജി രാമചന്ദ്രന്റെയും എം. കരുണാനിധിയുടേയും രാഷ്ട്രീയജീവിതാംശങ്ങള്‍ പകര്‍ത്തിയിരുന്നു. മോഹന്‍ലാല്‍, പ്രകാശ് രാജ് എന്നിവര്‍ പ്രധാന വേഷത്തിലെത്തിയ ഇരുവര്‍ എക്കാലത്തെയും ക്ലാസിക് ചിത്രമായി വിശേഷിപ്പിക്കപ്പെടുന്നു.
ഇരുവരിലെ ഗാനങ്ങളെല്ലാം തന്നെ പ്രശസ്തമായിരുന്നു. ചിത്രത്തിലെ നറുമുഖയെ എന്ന പാട്ടു സീനില്‍ മാത്രം അഭിനയിച്ച താരമാണ് മധുബാല. മോഹന്‍ലാലും മധുബാലയും ഒന്നിച്ച ഈ ഗാനം പൂര്‍ണമായും ബ്ലാക്ക് ആന്‍ഡ് വൈറ്റില്‍ ആയിരുന്നു ചിത്രീകരിച്ചിരുന്നത്. ദമയന്തിയും ദുഷ്യന്തനുമായാണ് ഇരുവരും ഗാനത്തില്‍ പ്രത്യക്ഷപ്പെട്ടത്.
