ഗുജറാത്ത്: മുതിര്‍ന്ന കോണ്‍ഗ്രസ് നേതാവും മുന്‍ ഗുജറാത്ത് മുഖ്യമന്ത്രിയുമായ മാധവ് സിംഗ് സോളങ്കി അന്തരിച്ചു. 93 വയസ്സായിരുന്നു.
നാല് തവണ ഗുജറാത്ത് മുഖ്യമന്ത്രിയായിരുന്ന മാധവ് സോളങ്കി നരസിംഹ റാവു മന്ത്രിസഭയില്‍ വിദേശകാര്യമന്ത്രിയുമായിരുന്നു.
പ്രധാനമന്ത്രി നരേന്ദ്ര മോദി, കോണ്‍ഗ്രസ് നേതാവ് രാഹുല്‍ ഗാന്ധി അടക്കമുള്ള നേതാക്കള്‍ മാധവ് സോളങ്കിയുടെ മരണത്തില്‍ അനുശോചനമറിയിച്ചു.
ഗുജറാത്ത് രാഷ്ട്രീയത്തില്‍ ദശാബ്ദങ്ങളായി പ്രധാന പങ്കുവഹിച്ചിരുന്ന നേതാവായിരുന്നു മാധവ് സോളങ്കിയെന്നും അദ്ദേഹത്തിന്റെ സേവനങ്ങള്‍ എന്നെന്നും ഓര്‍മ്മിക്കപ്പെടുമെന്നും നരേന്ദ്ര മോദി പറഞ്ഞു.
അദ്ദേഹത്തെ എപ്പോള്‍ കണ്ടാലും പുതിയ ഒരു പുസ്തകമെങ്കിലും നിര്‍ദേശിക്കുമെന്നും നരേന്ദ്ര മോദി ട്വീറ്റില്‍ കൂട്ടിച്ചേര്‍ത്തു.
മാധവ് സോളങ്കിയുടെ ദുഖത്തില്‍ അനുശോചനമറിയിച്ച രാഹുല്‍ ഗാന്ധി കോണ്‍ഗ്രസിന്റെ പ്രത്യയശാസ്ത്ര അടിത്തറ ബലപ്പെടുത്തുന്നതിലും സാമൂഹ്യനീതി ഉറപ്പാക്കുന്നതിലും വലിയ പങ്കുവഹിച്ച നേതാവാണെന്ന് പറഞ്ഞു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Madhav Solanki passes away, Leaders express condolences