അന്ന് ദുല്‍ഖറിനോട് ചാറ്റ് ചെയ്തു, നമ്മള്‍ ഒരുമിച്ച് അഭിനയിച്ചിട്ടുണ്ട്, ഓര്‍മയുണ്ടോ എന്ന് ചോദിച്ചു: ലുക്മാന്‍ അവറാന്‍
എന്റര്‍ടെയിന്‍മെന്റ് ഡെസ്‌ക്
Monday, 3rd April 2023, 7:55 am
ലുക്മാന്‍ അവറാന്‍ നായകനാവുന്ന സുലേഖ മന്‍സില്‍ റിലീസിന് ഒരുങ്ങുകയാണ്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടത് ദുല്‍ഖര്‍ സല്‍മാനായിരുന്നു. ഈ സമയത്ത് ദുല്‍ഖറിനോട് ചാറ്റ് ചെയ്‌തെന്നും നേരത്തെ ഒപ്പം അഭിനയിച്ച ഓര്‍മ പങ്കുവെക്കുകയും ചെയ്തിരുന്നുവെന്നും ലുക്മാന്‍ പറഞ്ഞു. റെഡ് എഫ്.എമ്മിന് നല്‍കിയ അഭിമുഖത്തിലാണ് കലിയില്‍ ദുല്‍ഖറിനൊപ്പം അഭിനയിച്ചതിനെ പറ്റി ലുക്മാന്‍ പറഞ്ഞത്.
‘സുലേഖ മന്‍സിലിന്റെ പോസ്റ്റര്‍ ഇറങ്ങിയപ്പോള്‍ ദുല്‍ഖര്‍ എന്നോട് ചാറ്റ് ചെയ്തിരുന്നു. ഞാന്‍ ചാറ്റ് ചെയ്തപ്പോള്‍ റിപ്ലെ ചെയ്തതാണ്. നമ്മള്‍ തമ്മില്‍ കണ്ടിട്ടുണ്ട്, ഓര്‍മയുണ്ടോ എന്ന് ചോദിച്ചു. എപ്പോള്‍ കണ്ടു എന്ന് ദുല്‍ഖര്‍ ചോദിച്ചു. കലിയില്‍ ഒരു സീനില്‍ ഞാനുണ്ടായിരുന്നു എന്ന് പറഞ്ഞപ്പോള്‍ ഓര്‍മ വന്നു.
