മരണവാറന്റൊന്നുമല്ല, വെറും പ്രേമ ലേഖനം; കേന്ദ്രത്തെ പരിഹസിച്ച് ശിവസേന
ഡൂള്‍ന്യൂസ് ഡെസ്‌ക്
Monday, 30th August 2021, 3:10 pm
മുംബൈ: കേന്ദ്രസര്‍ക്കാരിനെതിരെ പരിഹാസവുമായി ശിവസേനാ നേതാവ് സഞ്ജയ് റാവത്ത്.
ശിവസേനാ നേതാവും മന്ത്രിയുമായ അനില്‍ പരാബിന് എന്‍ഫോഴ്‌സ്‌മെന്റ് ഡയരക്ടറേറ്റിന്റെ നോട്ടീസ് ലഭിച്ചതിന് പിന്നാലെയാണ് റാവത്തിന്റെ പരിഹാസം.
എന്‍ഫോഴ്‌സ്‌മെന്റ് ഡയരക്ടറേറ്റിന്റേത് മരണ വാറന്റല്ല മറിച്ച് രാഷ്ട്രീയപ്രവര്‍ത്തകര്‍ക്കുള്ള പ്രേമലേഖനം മാത്രമാണെന്ന് റാവത്ത് പറഞ്ഞു.
അനില്‍ പരാബിനോട് കള്ളപ്പണം വെളുപ്പിക്കല്‍ വിരുദ്ധ ഏജന്‍സിക്ക് മുന്നില്‍ ഹാജരാകാനാണ് ആവശ്യപ്പെട്ടിരിക്കുന്നത്.
