പ്രണയത്തിന് ഒരവസരം കൂടി; പ്രിയങ്ക നായികയാവുന്ന ലവ് എഗെയ്ന്‍ ട്രെയ്‌ലര്‍; കാമിയോ റോളില്‍ നിക് ജോനാസും
എന്റര്‍ടെയിന്‍മെന്റ് ഡെസ്‌ക്
Wednesday, 15th February 2023, 8:08 am
പ്രിയങ്ക ചോപ്ര, സാം ഹ്യൂഗന്‍ എന്നിവര്‍ കേന്ദ്രകഥാപാത്രങ്ങളാവുന്ന റൊമാന്റിക് കോമഡി ചിത്രം ലവ് എഗെയ്‌നിന്റെ ട്രെയ്‌ലര്‍ പുറത്ത്. മീര എന്ന കഥാപാത്രമായിട്ടാണ് പ്രിയങ്ക ചിത്രത്തിലെത്തുന്നത്. കാമുകന്റെ മരണത്തിന് ശേഷം അയാളുടെ നമ്പറിലേക്ക് വീണ്ടും മെസേജുകള്‍ അയക്കുന്ന മീരയെ ആണ് ട്രെയ്‌ലറില്‍ കാണുന്നത്. എന്നാല്‍ ഈ നമ്പര്‍ ഇപ്പോള്‍ ഉപയോഗിച്ചുകൊണ്ടിരിക്കുന്നത് സാം അവതരിപ്പിക്കുന്ന റോബ് ബണ്‍സ് ആണ്.
മീരയുടെ മെസേജുകളിലെ തീവ്രത കണ്ട് അവളെ തേടിയിറങ്ങുകയാണ് റോബ്. തുടര്‍ന്നുണ്ടാകുന്ന സംഭവങ്ങളിലൂടെയാണ് ചിത്രം മുന്നോട്ട് പോകുന്നത്. പ്രിയങ്കയുടെ പങ്കാളി നിക് ജോനാസും ചിത്രത്തില്‍ കാമിയോ വേഷത്തിലെത്തുന്നുണ്ട്.
