ലണ്ടന്‍: സെന്‍ട്രല്‍ ലണ്ടനിലെ യൂസ്റ്റണ്‍ റെയില്‍വേ സ്‌റ്റേഷനില്‍ തീപിടിത്തം. ലണ്ടനിലെ പ്രസിദ്ധമായ ചാള്‍ട്ടണ്‍ സ്ട്രീറ്റിലെ കോഫി ഹൗസിനുള്ളിലാണ് തീപിടിത്തമുണ്ടായത്.
ഉടന്‍ തന്നെ അഗ്നിശമന സേനയെത്തി തീയണയ്ക്കാനുള്ള ശ്രമങ്ങള്‍ ആരംഭിച്ചു. സംഭവത്തില്‍ ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ല.
എന്നാല്‍ കെട്ടിടത്തിനുള്ളില്‍ ആരെങ്കിലും കുടുങ്ങിക്കിടക്കുന്നുണ്ടോയെന്ന് അന്വേഷിച്ച് വരികയാണ്.
ഉടന്‍ തന്നെ 72 അഗ്നിശമന സേനാംഗങ്ങളും 10 ഫയര്‍ എന്‍ജിനുകളും സ്ഥലത്തെത്തി തീയണയ്ക്കാന്‍ ശ്രമിച്ചു. എന്നാല്‍ തീപിടിത്തത്തിന്റെ കാരണം ഇതേവരെ വ്യക്തമായിട്ടില്ല.
കോഫി ഹൗസിലെത്തിയ ആള്‍ക്കാരില്‍ ചിലര്‍ കെട്ടിടത്തിനുള്ളില്‍ നിന്ന് പുകയുയരുന്നത് കണ്ട് ഉടന്‍ പുറത്തേക്ക് ചാടിയത് വന്‍ ദുരന്തം ഒഴിവാക്കി. തീപിടിത്തത്തില്‍ കെട്ടിടത്തിന്റെ മേല്‍ക്കുര പൂര്‍ണ്ണമായും കത്തി നശിച്ചിട്ടുണ്ട്.
upadting…