പട്ടികവിഭാഗക്കാരുടെ ക്ഷേമത്തിന് വേണ്ടിയുള്ള നടപടികളില്‍ വീഴ്ച്ച വരുത്തുന്ന സര്‍ക്കാര്‍ ഉദ്യോഗസ്ഥര്‍ക്കെതിരെയും ശക്തമായ ശിക്ഷാനടപടികളാണ് നിയമത്തില്‍ നിര്‍ദ്ദേശിക്കുന്നത്. ഇത്തരം സര്‍ക്കാര്‍ ജീവനക്കാര്‍ക്ക് ഒരു വര്‍ഷം വരെ തടവും പിഴയും ലഭിക്കും. പട്ടികവിഭാഗത്തിലെ ആളുകളുടെ ഭൂമി കൈവശം വെക്കുന്നതും നിയമ പ്രകാരം ശിക്ഷാര്‍ഹമാണ്.
ഈ വിഭാഗങ്ങളില്‍പ്പെട്ട സ്ത്രീകള്‍ക്കെതിരെയുള്ള അതിക്രമങ്ങളില്‍ തടയുന്നതിനുള്ള ശിക്ഷാനടപടികളും നിയമത്തിലുണ്ട്. അനുവാദമില്ലാതെ ശരീരത്തില്‍ സ്പര്‍ശിക്കുക, ലൈംഗിക ചുവയോടെയുള്ള ആംഗ്യം, വാക്കുകള്‍ ഇവയെല്ലാം പുതിയ നിയമപ്രകാരം ശിക്ഷാര്‍ഹമാണ്. എം.പിമാരെ പുറത്താക്കിയതില്‍ പ്രതിഷേധിച്ച് പ്രതിപക്ഷം സഭ ബഹിഷ്‌കരിച്ചതിനിടെയാണ് സഭ ഈ ബില്‍ പാസാക്കിയത്.