കെല്‍ക്കത്ത: വെയിലുകൊള്ളാന്‍ വയ്യാത്തതുകൊണ്ട് ബംഗാളിലെ ലോക്‌സഭാ സ്ഥാനാര്‍ഥി തെരഞ്ഞെടുപ്പു പ്രചരണം നടത്തുന്നത് പ്രതിമയെ ഉപയോഗിച്ച്. സ്ഥാനര്‍ഥിക്ക് പകരം വോട്ട് പിടിക്കുന്നത് പ്രതിമയാണ്.
തൃണമൂല്‍ കോണ്‍ഗ്രസിന്റെ ഡയമണ്ട് ഹാര്‍ബറിലെ സ്ഥാനാര്‍ഥിയും മമതയുടെ അനന്തരവനുമായ അഭിഷേക് ബാനര്‍ജിയാണ് വെയിലുകൊള്ളാന്‍ വയ്യാത്തത് കാരണം പ്രതിമയെ ഉപയോഗിച്ച് തെരഞ്ഞെടുപ്പു പ്രചരണം നടത്തുന്നത്.
To avoid scorching heat, TMC Diamond Harbour Candidate & Mamata's Nephew Abhishek Banerjee found an innovative solution
– Using his own statute for Campaigning ?? pic.twitter.com/ZaRAG55gcZ— ? Rishi Bagree ?? (@rishibagree) April 26, 2019
അഭിഷേകിന്റെ അതേ വലിപ്പത്തിലുള്ള പ്രതിമയുമായി അണികളാണ് തുറന്ന ജീപ്പില്‍ പ്രചരണം നടത്തുന്നത്. കൈകൂപ്പി നില്‍ക്കുന്ന പ്രതിമയെ താങ്ങിപ്പിടിച്ചാണ് അണികളുടെ പ്രചരണം.
ഈ പ്രചാരണപരിപാടിയുടെ വിഡിയോ സമൂഹമാധ്യമത്തില്‍ വൈറലായതോടൊപ്പം പല കോണുകളില്‍ നിന്നും വിമര്‍ശനം ഉയരുന്നുണ്ട്.
അതേസമയം, ബി.ജെ.പിയാണ് രാജ്യത്തിന് ഏറ്റവും അപകടകരമെന്നും അവര്‍ 440 വാട്ട് പോലെയാണെന്നും ബംഗാള്‍ മുഖ്യമന്ത്രി മമതാ ബാനര്‍ജി പറഞ്ഞിരുന്നു.
ബി.ജെ.പിയെ തിരസ്‌കരിക്കണമെന്നും അവര്‍ക്ക് വോട്ട് ചെയ്യുന്നത് ഏതുവിധേനയും തടയണമെന്നും മമത ഹൂഗ്ലി ജില്ലയിലെ പാണ്ഡുവയില്‍ നടന്ന തെരഞ്ഞെടുപ്പു റാലിയില്‍ പറഞ്ഞിരുന്നു.
