ലോകേഷിന്റെ മാനഗരം ഹിന്ദിയിലേക്ക്; സംവിധാനം സന്തോഷ് ശിവന്‍; ചിത്രത്തില്‍ വിജയ് സേതുപതിയും
എന്റര്‍ടെയിന്‍മെന്റ് ഡെസ്‌ക്
Saturday, 10th October 2020, 10:46 pm
ചെന്നൈ: ലോകേഷ് കനകരാജിന്റെ ആദ്യ ചിത്രം മാനഗരം ഹിന്ദിയിലേക്ക്. സന്തോഷ് ശിവനാണ് ചിത്രം ബോളിവുഡിലൊരുക്കുന്നത്. ചിത്രത്തില്‍ മക്കള്‍ സെല്‍വന്‍ വിജയ് സേതുപതിയും പ്രധാനവേഷത്തില്‍ എത്തുന്നുവെന്നാണ് റിപ്പോര്‍ട്ട്.
ചിത്രത്തിനായി കഴിഞ്ഞ ദിവസം താരം എഗ്രിമെന്റ് ഒപ്പ് വെച്ചതായും റിപ്പോര്‍ട്ടുകള്‍ പറയുന്നു. വിക്രാന്ത് മാസിയാണ് മാനഗരത്തിന്റെ ഹിന്ദി പതിപ്പില്‍ നായക കഥാപാത്രമായി എത്തുന്നത്.
ഹിന്ദിയില്‍ വിജയ് സേതുപതിയുടെ റോള്‍ എന്തായിരിക്കുമെന്ന് ഇതുവരെ പുറത്തുവിട്ടിട്ടില്ല. അതേസമയം ചിത്രത്തിലെ കഥാപാത്രത്തിന് സ്വന്തം ശബ്ദത്തില്‍ തന്നെയായിരിക്കും വിജയ് സേതുപതി ഡബ്ബ് ചെയ്യുക.
