ഭക്ഷണക്കിറ്റ് വിതരണം: മന്ത്രി കെ.ടി ജലീലിന് ലോകായുക്തയുടെ നോട്ടീസ്
ഡൂള്‍ന്യൂസ് ഡെസ്‌ക്
Thursday, 13th August 2020, 5:20 pm
തിരുവനന്തപുരം: യു.എ.ഇ കോണ്‍സുലേറ്റ് മുഖേന ഭക്ഷണ പാക്കറ്റുകള്‍ വിതരണം ചെയ്ത സംഭവത്തില്‍ മന്ത്രി കെ.ടി. ജലീലിനെതിരെ ലോകായുക്ത നോട്ടീസ് അയച്ചു.
യൂത്ത് കോണ്‍ഗ്രസ് നേതാവിന്റെ പരാതിയെത്തുടര്‍ന്നാണ് ജലീലിന് ലോകായുക്ത നോട്ടീസ് അയച്ചത്. വിഷയത്തില്‍ പ്രാഥമിക അന്വേഷണം ആവശ്യപ്പെട്ടാണ് യൂത്ത് കോണ്‍ഗ്രസ് നേതാവ് പരാതി നല്‍കിയത്.
ഇക്കഴിഞ്ഞ ജൂണില്‍ റംസാനുമായി ബന്ധപ്പെട്ട് യു.എ.ഇ കോണ്‍സുലേറ്റ് മുഖേന മലപ്പുറം ജില്ലയില്‍ ഭക്ഷണ പദാര്‍ഥങ്ങള്‍ വിതരണം ചെയ്തത് വിദേശ സഹായ നിയന്ത്രണ നിയമപ്രകാരം തെറ്റാണെന്ന് ചൂണ്ടിക്കാണിച്ചായിരുന്നു യൂത്ത് കോണ്‍ഗ്രസ് നേതാവ് പരാതി നല്‍കിയത്.
