രമ്യ ഹരിദാസും വി.ടി. ബല്‍റാമും അടക്കമുള്ള നേതാക്കള്‍ ലോക്ഡൗണ്‍ നിര്‍ദേശങ്ങള്‍ ലംഘിച്ച് ഹോട്ടലില്‍; ചോദ്യം ചെയ്ത യുവാവിനെതിരെ കയ്യേറ്റ ശ്രമം
ഡൂള്‍ന്യൂസ് ഡെസ്‌ക്
Sunday, 25th July 2021, 7:33 pm
പാലക്കാട്: ലോക്ഡൗണ്‍ മാനദണ്ഡങ്ങള്‍ ലംഘിച്ച് എം.പി. രമ്യാ ഹരിദാസ് അടക്കമുള്ള നേതാക്കള്‍ ഹോട്ടലില്‍ ഭക്ഷണം കഴിക്കാനെത്തിയെന്ന് ആരോപണം. മുന്‍ തൃത്താല എം.എല്‍.എ. വി.ടി. ബല്‍റാം, റിയാസ് മുക്കോളി, പാളയം പ്രദീപ് എന്നിവരടക്കമുള്ള കോണ്‍ഗ്രസ് നേതാക്കളാണ് ഹോട്ടലില്‍ കയറിയത്.
ഞായറാഴ്ച ഉച്ചയ്ക്ക് രണ്ട് മണിയോടെയായിരുന്നു സംഭവം. എം.പി. ചന്ദ്രാ നഗറിലെ ഹോട്ടലിലാണ് ഇവര്‍ ഭക്ഷണം കഴിക്കാനെത്തിയത്. രമ്യ ഹരിദാസ് അടക്കം എട്ടോളം പേര്‍ ഹോട്ടലിലെത്തിയെന്നാണ് വിവരം.
എന്നാല്‍ ഇവരെ ഒരു യുവാവ് ചോദ്യം ചെയ്യുകയും മൊബൈല്‍ ക്യാമറയില്‍ വീഡിയോ ചിത്രീകരിക്കുകയുമായിരുന്നു.
സമ്പൂര്‍ണ ലോക്ഡൗണ്‍ നിലനില്‍ക്കുന്ന പ്രദേശത്ത് ഇരുന്ന് ഭക്ഷണം കഴിക്കാന്‍ പാടില്ല എന്ന നിയമം ലംഘിച്ചാണ് ഇവര്‍ ഭക്ഷണം കഴിക്കാന്‍ ഇരുന്നതെന്നാണ് ആരോപണം.
