'സിനിമയ്ക്കും ലോക്ക്ഡൗണ്‍'; പുതിയ സിനിമകള്‍ ചിത്രീകരിക്കരുത്, തിയേറ്ററുകള്‍ ഏപ്രില്‍ 30 മുതല്‍ പൂട്ടിയിടുമെന്നും ഫിയോക്ക്
എന്റര്‍ടെയിന്‍മെന്റ് ഡെസ്‌ക്
Friday, 23rd April 2021, 4:01 pm
കൊച്ചി: കൊവിഡ് രണ്ടാം തരംഗം രൂക്ഷമായതോടെ ഏപ്രില്‍ 30 മുതല്‍ തിയേറ്ററുകള്‍ അടച്ചിടാന്‍ തീരുമാനിച്ച് തിയേറ്റര്‍ ഉടമകളുടെ സംഘടനയായ ഫിയോക്ക്. കൊവിഡ് പ്രതിസന്ധി രൂക്ഷമായതോടെ കാഴ്ച്ചക്കാരില്ലാതെ തിയേറ്ററുകള്‍ പ്രവര്‍ത്തിപ്പിക്കാന്‍ ബുദ്ധിമുട്ടിലാവുകയാണ്.
പിന്‍വലിച്ച സിനിമകള്‍ തിയേറ്ററുകളില്‍ വീണ്ടും പ്രദര്‍ശിപ്പിക്കില്ലെന്നും പുതിയ ചിത്രങ്ങള്‍ ചിത്രീകരണം ആരംഭിക്കരുതെന്നും ഫിയോക്ക് നിര്‍ദ്ദേശിച്ചു. നിലവില്‍ ചിത്രീകരണം നടക്കുന്ന സിനിമകള്‍ വേഗത്തില്‍ പൂര്‍ത്തിയാക്കണം.
