എടക്കരയിലെ വീട്ടില്‍ നിന്നും നാടന്‍ തോക്കും തിരകളും പിടിച്ചെടുത്തു; യുവാവ് ഒളിവില്‍
ഡൂള്‍ന്യൂസ് ഡെസ്‌ക്
Wednesday, 24th November 2021, 8:46 am
മലപ്പുറം: മലപ്പുറം നിലമ്പൂര്‍ എടക്കരയില്‍ നിന്നും നാടന്‍ തോക്കും തിരകളും പിടികൂടി. എടക്കര ബാലംകുളം സ്വദേശി സൂഫിയാന്റെ വീട്ടില്‍ നിന്നാണ് നാടന്‍ തോക്കും തിരകളും പൊലീസ് പിടികൂടിയത്.
സംഭവത്തില്‍ പ്രതിയെന്ന് സംശയിക്കുന്ന സൂഫിയാന്‍ ഒളിവിലാണ്. ഇയാള്‍ക്ക് വേണ്ടിയുള്ള അന്വേഷണം പോലീസ് ശക്തമാക്കിയിട്ടുണ്ട് സൂഫിയാന്റെ വീട്ടിലെ കിടപ്പുമുറിയിലെ കട്ടിലിനടിയില്‍ നിന്നാണ് തോക്കും 11 തിരകളും പിടികൂടിയത്.
മലയോര മേഖലയില്‍ നായാട്ട് സജീവമായിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിലായിരുന്നു എടക്കര പൊലീസിന്റെ നേതൃത്വത്തില്‍ പരിശോധന നടത്തിയത്. സൂഫിയാന്റെ വീട്ടിലെ കട്ടിലിനടിയില്‍ ഒളിപ്പിച്ച നിലയിലായിരുന്നു തോക്കും തിരകളും.
