ഒരു ചുംബനം മാത്രം മതി; വൈറലായി ലിവര്‍പൂളിന്റെ വിജയാഘോഷം
സ്പോര്‍ട്സ് ഡെസ്‌ക്
Sunday, 31st July 2022, 12:30 pm
16 വര്‍ഷത്തിന് ശേഷം മാഞ്ചസ്റ്റര്‍ സിറ്റിയെ പരാജയപ്പെടുത്തി കമ്മ്യൂണിറ്റി ഷീല്‍ഡ് സ്വന്തമാക്കി ലിവര്‍പൂള്‍ ശനിയാഴ്ച കിങ് പവര്‍ സ്റ്റേഡിയത്തില്‍ നടന്ന മത്സരത്തില്‍ ഒന്നിനെതിരെ മൂന്ന് ഗോളിനായിരുന്നു ലിവര്‍പൂള്‍ സിറ്റിയെ പരാജയപ്പെടുത്തിയത്.
ട്രെന്റ് അലക്‌സാണ്ടര്‍ അര്‍ണോള്‍ഡ്, മുഹമ്മദ് സലാ, ഡാര്‍വിന്‍ നൂനിയാസ് എന്നിവരാണ് ലിവര്‍പൂളിന് വേണ്ടി ഗോള്‍ നേടിയത്.
കമ്മ്യൂണിറ്റി ഷീല്‍ഡ് വിജയത്തോടെ യു.കെയിലെ എല്ലാ ആഭ്യന്തര കിരീടങ്ങളും സ്വന്തമാക്കാന്‍ ലിവര്‍പൂള്‍ മാനേജര്‍ ക്ലോപ്പിനായി.
ഡാര്‍വിന്‍ നൂനിയാസായിരുന്നു സ്റ്റാര്‍ ഓഫ് ദി ഗെയിം. ബെന്‍ഫിക്കയില്‍ നിന്നും ലിവര്‍പൂളിലെത്തിയ താരത്തിന്റെ ആദ്യ ഗോള്‍ കൂടിയായിരുന്നു ഫൈനലില്‍ നേടിയത്.
