അര്‍ജന്റീനയുടെ വരാനിരിക്കുന്ന ലോകകപ്പ് യോഗ്യതാ മത്സരത്തില്‍ സൂപ്പര്‍ താരം ലയണല്‍ മെസി കളിച്ചേക്കില്ല എന്ന് റിപ്പോര്‍ട്ടുകളുണ്ടായിരുന്നു. താരത്തിന് ഫിറ്റ്‌നെസ് പ്രശ്‌നമുള്ളതിനാല്‍ പരാഗ്വെക്കെതിരായ മത്സത്തില്‍ മെസിയുണ്ടാകില്ല എന്നായിരുന്നു റിപ്പോര്‍ട്ടുണ്ടായിരുന്നത്.
വിഷയത്തില്‍ പ്രതികരണവുമായി എത്തിയിരിക്കുകയാണ് അര്‍ജന്റീനയുടെ പരിശീലകന്‍ ലയണല്‍ സ്‌കലോണി. പരീശലന സെഷനുകള്‍ അവസാനിക്കാനാകുമ്പോള്‍ മാത്രമേ വിഷയത്തില്‍ അന്തിമ തീരുമാനമെടുക്കാനാകൂ എന്നും താരം നിലവില്‍ നന്നായി ട്രെയ്‌നിങ് നടത്തുന്നുണ്ടെന്നുമാണ് സ്‌കലോണി പറഞ്ഞത്. മത്സരത്തിന് മുന്നോടിയായി നടന്ന വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.
🚨🗣 Lionel Scaloni: “We still have training. It’s important for Leo (Messi). We see him well, we will talk before training to see if he starts from the start or not.” 🇦🇷 pic.twitter.com/aJugpcFoHp
— Roy Nemer (@RoyNemer) October 11, 2023
