2026 ലോകകപ്പ് യോഗ്യത മത്സരങ്ങള്‍ക്കുള്ള അര്‍ജന്റീനയുടെ ടീമിനൊപ്പം സൂപ്പര്‍ താരം ലയണല്‍ മെസി ചേര്‍ന്നതോടെ മെസിയില്ലാതെയായിരിക്കും ഇന്റര്‍ മയാമി വരാനിരിക്കുന്ന മത്സരങ്ങള്‍ കളിക്കേണ്ടിവരുക. സെപ്റ്റംബര്‍ എട്ടിന് ഇക്വഡോറിനെതിരെയും 13ന് ബൊളീവിയക്കുമെതിരെയുമാണ് അര്‍ജന്റീനയുടെ മത്സരങ്ങള്‍ നടക്കുക.
സെപ്തംബര്‍ നാലിന് നടന്ന മത്സരത്തില്‍ ലോസ് ഏഞ്ചലസ് എഫ് സിക്കെതിരെ ഇരട്ട അസിസ്റ്റുമായി മിന്നും പ്രകടനം കാഴ്ചവെക്കുകയും ടീമിനെ വിജയത്തിലെത്തിക്കുകയും ചെയ്തതിന് ശേഷമാണ് മെസി അര്‍ജന്റീന ടീമിനൊപ്പം ചേര്‍ന്നത്.
മെസിയുടെ വരവോട് കൂടി അനായാസ വിജയകുതിപ്പാണ് ഇന്റര്‍ മയാമി നടത്തുന്നത്. ലയണല്‍ മെസി ഇന്റര്‍ മയാമിക്ക് വേണ്ടി പത്ത് മത്സരങ്ങളില്‍ നിന്ന് 11 ഗോളുകളും അഞ്ച് അസിസ്റ്റുകളും നേടികൊണ്ട് മിന്നും ഫോമിലാണ്.
Lionel Messi effect is crazy. 🤳
— All About Argentina 🛎🇦🇷 (@AlbicelesteTalk) September 4, 2023
