ഞങ്ങള്‍ക്ക് ഹൃദയം കൊണ്ട് വളരെ അടുത്ത ബന്ധമുണ്ട് ഇപ്പോഴും ഒരുമിച്ചായതില്‍ ഒരുപാട് സന്തോഷമുണ്ട്; നെയ്മറിനെ കുറിച്ച് മെസിയുടെ ഹൃദയസ്പര്‍ശിയായ വാക്കുകള്‍
സ്പോര്‍ട്സ് ഡെസ്‌ക്
Tuesday, 27th September 2022, 2:07 pm
ഫുട്‌ബോള്‍ മൈതാനത്തും പുറത്തും ഏറ്റവും മികച്ച സൗഹൃങ്ങളിലൊന്നാണ് അര്‍ജന്റീന സൂപ്പര്‍താരം ലയണല്‍ മെസിയുടെയും ബ്രസീല്‍ സൂപ്പര്‍താരം നെയ്മറിന്റെയും. പി.എസ്.ജിയുടെ മുന്നേറ്റക്കാരായ ഇരുവരും മികച്ച ഫോമിലാണ് നിലവില്‍ കളിക്കുന്നത്.
കളിക്കളത്തിനകത്തും പുറത്തും മികച്ച സൗഹൃദം സൂക്ഷിക്കുന്ന ഇരുവരും മികച്ച പ്രകടനമാണ് ഒരുമിച്ചുള്ളപ്പോഴെല്ലാം ഗ്രൗണ്ടില്‍ കാഴ്ചവെക്കാറുള്ളത്. പി.എസ്.ജിയില്‍ എത്തുന്നതിന് മുമ്പ് ബാഴ്സയില് അഞ്ച് വര്‍ഷം ഇരുവരും ഒന്നിച്ച് കളിച്ചിട്ടുണ്ട്.
നെയ്മറുമായുള്ള തന്റെ സൗഹൃദത്തെ കുറിച്ച് തുറന്നു സംസാരിക്കുകയാണ് ലയണല്‍ മെസി. നെയ്മറെ ഹൃദയം കൊണ്ടറിയാമെന്നും ബാഴ്സയില് വെച്ചുള്ള സമയം ഒരുപാട് ആസ്വദിച്ചിരുന്നവെന്നും മെസി പറയുന്നു. പി.എസ്.ജിയും ഒന്നിച്ചായതില്‍ ഒരുപാട് സന്തോഷമെന്നും അദ്ദേഹം പറയുന്നുണ്ട്.
