എനിക്കൊന്നും തെളിയിക്കാനില്ല എന്ന ഭാവം, പിന്നാലെ സെല്‍ഫ്‌ലെസ് അസിസ്റ്റ്; ലീഗ് വണ്ണില്‍ വീണ്ടും മെസി മാജിക്ക്
സ്പോര്‍ട്സ് ഡെസ്‌ക്
Thursday, 1st September 2022, 11:13 am
ലീഗ് വണ്ണില്‍ പി.എസ്.ജി അവരുടെ നാലാം വിജയം സ്വന്തമാക്കിയിരുന്നു. ടൗലൂസിനെതിരെയായിരുന്നു ഫ്രഞ്ച് വമ്പന്മാരുടെ വിജയം. മൂന്ന് ഗോളിനായിരുന്നു പി.എസ്.ജി വിജയം സ്വന്തമാക്കിയത്.
പി.എസ്.ജിക്കായി കിലിയന്‍ എംബാപെയും നെയ്മറും ജുവാന്‍ ബെര്‍നാറ്റ് എന്നിവര്‍ ഗോള്‍ നേടി. ലയണല്‍ മെസിയാണ് രണ്ട് അസിസ്റ്റ് നല്‍കിയത്. മികച്ച പ്രകടനമായിരുന്നു മെസിയും പി.എസ്.ജി ടീമും കാഴ്ചവെച്ചത്.
നെയ്മറും എംബാപെയും വെറാട്ടിയുമെല്ലാം മികച്ച പ്രകടനമായിരുന്നു കാഴ്ചവെച്ചത്. ആരാധകര്‍ എന്നത്തെയും പോലെ ഏറ്റെടുത്തിരിക്കുന്നത് മെസിയുടെ പ്രകടനമാണ്. അദ്ദേഹത്തിന്റെ നിസ്വാര്‍ത്ഥമായ അസിസ്റ്റുകളെ ആരാധകര്‍ ട്വിറ്ററില്‍ പുകഴ്ത്തുന്നുണ്ട്.
