ഡൂള്‍ന്യൂസ് ഡെസ്‌ക്17 hours ago
2024 എം.എല്‍.എസ് ബെസ്റ്റ് ഇലവനില്‍ ഇടം നേടി ഇന്റര്‍ മയാമി ക്യാപ്റ്റന്‍ ലയണല്‍ മെസി. മേജര്‍ ലീഗ് സോക്കറിലെ ടീമുകളില്‍ നിന്നും ഈ വര്‍ഷം മികച്ച പ്രകടനം നടത്തിയ താരങ്ങളെ ഉള്‍പ്പെടുത്തിയാണ് എം.എല്‍.എസ് ബെസ്റ്റ് ഇലവന്‍ ഒരുക്കിയിരിക്കുന്നത്.
തന്റെ കരിയറിലെ മറ്റൊരു നാഴികക്കല്ല് കൂടി മറികടന്നാണ് മെസി ഈ സ്റ്റാര്‍ സ്റ്റഡ്ഡഡ് ടീമിലും ഇടം നേടിയത്.
എം.എല്‍.എസിലെ ആദ്യ ഫുള്‍ സീസണില്‍ മികച്ച പ്രകടനം കാഴ്ചവെച്ചതിന് പിന്നാലെയാണ് മെസിയെ തേടി ഈ അംഗീകാരമെത്തിയത്. സീസണില്‍ കളിച്ച 22 മത്സരത്തില്‍ നിന്നും 21 ഗോളും 11 അസിസ്റ്റുമാണ് മെസിയുടെ പേരില്‍ കുറിക്കപ്പെട്ടത്.
ലയണല്‍ മെസിക്ക് പുറമെ ബാഴ്‌സയിലും ഇപ്പോള്‍ മയാമിയിലും മെസിക്കൊപ്പം പന്തുതട്ടിയ ജോര്‍ഡി ആല്‍ബയും ഈ ടീമിന്റെ ഭാഗമാണ്.
The best of the best. ⭐️
Introducing the 2024 MLS Best XI presented by @continentaltire. 👊 pic.twitter.com/lcnP0BNten
— Major League Soccer (@MLS) December 3, 2024
അതേസമയം, ഉറുഗ്വേ ഇതിഹാസവും ഇന്റര്‍ മയാമി സൂപ്പര്‍ താരവുമായ ലൂയീസ് സുവാരസിന് ഇലവനില്‍ ഇടം കണ്ടെത്താന്‍ സാധിച്ചിട്ടില്ല എന്നതും ശ്രദ്ധേയമാണ്. ഈ സീസണില്‍ മെസിക്കൊപ്പം തന്നെ മികച്ച പ്രകടനമാണ് താരം കാഴ്ചവെച്ചത്.
മയാമിക്കായി പന്തുതട്ടിയ 27 മത്സരത്തില്‍ നിന്നും 20 ഗോളും ഒമ്പത് അസിസ്റ്റും താരം സ്വന്തമാക്കിയിട്ടുണ്ട്. മികച്ച പ്രകടനം കാഴ്ചവെച്ച സെര്‍ജിയോ ബുസ്‌ക്വെറ്റ്‌സിനും ബെസ്റ്റ് ഇലവനില്‍ ഇടം കണ്ടെത്താനായില്ല.
ഒമ്പത് വിവിധ ക്ലബ്ബുകളില്‍ നിന്നുമുള്ള താരങ്ങളാണ് എം.എല്‍.എസ് ബെസ്റ്റ് ഇലവന്റെ ഭാഗമായിരിക്കുന്നത്. ഇന്റര്‍ മയാമിക്ക് പുറമെ കൊളംബസ് ക്രൂവില്‍ നിന്നും രണ്ട് താരങ്ങള്‍ ഇലവന്റെ ഭാഗമാണ്.
ക്രിസ്റ്റ്യന്‍ കഹ്‌ലിന (ഷാര്‍ലെറ്റ് എഫ്.സി)
Content highlight: Lionel Messi nominated to 2024 MLS Best Eleven
