വരാനിരിക്കുന്ന സമ്മർ ട്രാൻസ്ഫറിൽ താരങ്ങൾ കൂടുവിട്ട് കൂടുമാറുന്ന കാഴ്ചയാണ് കാണാനിരിക്കുന്നത്. ആരൊക്കെ നിലവിലുള്ള ക്ലബ്ബുകളിൽ തന്നെ തുടരുമെന്നും ആരൊക്കെ കൂടുമാറുമെന്നുമൊക്കെ കാത്തിരുന്ന് തന്നെ കാണേണ്ടതാണ്.

എന്നിരുന്നാലും, കുറച്ചധികം കാലമായി കേട്ടുക്കൊണ്ടിരിക്കുന്നതാണ് നിലവിൽ പി.എസ്.ജിയുടെ സൂപ്പർതാരമായ ലയണൽ മെസിയുടെ ട്രാൻസ്ഫർ കഥകൾ.

എന്നാൽ താരത്തിന്റെ ട്രാൻസ്ഫറുമായി ബന്ധപ്പെട്ട അഭ്യൂഹങ്ങൾക്ക് വിരാമമിടാൻ സമയമായെന്നാണ് മാധ്യമ പ്രവർത്തകൻ റോബിൻ ബെയിർണർ പറയുന്നത്. ഈ സീസണിലെ ലീഗ് മത്സരങ്ങളിൽ മികച്ച പ്രകടനമായിരുന്നു മെസി കാഴ്ചവെച്ചത്.

അതിൽ പി.എസ്.ജി വളരെയധികം സന്തുഷ്ടരാണെന്നും എത്രയും പെട്ടെന്ന് തന്നെ താരവുമായുള്ള കരാർ പുതുക്കാനുള്ള തയ്യാറെടുപ്പിലാണ് ക്ലബ്ബെന്നും അദ്ദേഹം കൂട്ടിച്ചേർത്തു.

PSG Transfer News Roundup: Lionel Messi likely to extend stay with Parisians; club monitoring Gabriel Martinelli, and more – November 4, 2022 https://t.co/7RfPVDRsIe pic.twitter.com/QbJGGbCsdL

— Gunners Today (@gunners_today) November 4, 2022

ഖത്തർ ലോകകപ്പിന് ശേഷം മാത്രമേ സൈനിങ്ങിനെ കുറിച്ച് വിവരം പറയാനാകൂ എന്നാണ് മെസി നേരത്തെ പറഞ്ഞിരുന്നതെങ്കിലും താരത്തിനും പി.എസ്.ജിയിൽ തുടരാനാണ് ആഗ്രഹമെന്ന റിപ്പോർട്ടും പ്രചരിക്കുന്നുണ്ട്.

ക്ലബ്ബിന് വേണ്ടി മികച്ച ഒരു ടൈറ്റിലെങ്കിലും നേടിക്കൊടുക്കാനായെങ്കിൽ മാത്രമേ പി.എസ്.ജി വിടുന്നതിനെ കുറിച്ച് ആലോചിക്കുകയുള്ളൂ എന്ന് മെസി ഒരു അഭിമുഖത്തിനിടെ പറഞ്ഞതായും റിപ്പോർട്ടുണ്ട്.

Lionel Messi does not want to leave PSG without winning a major trophy and the forward is discussing extending his contract beyond the end of the season. (L’Equipe) pic.twitter.com/Nqrsjgs8ym

— Transfer News Central (@TransferNewsCen) November 3, 2022

മുൻ ക്ലബ്ബായ ബാഴ്‌സലോണയും ഇന്റർ മിയാമിയുമാണ് മെസിയെ സൈൻ ചെയ്യിക്കാൻ രംഗത്തെത്തിയിരിക്കുന്ന മറ്റ് രണ്ട് ടീമുകൾ.

🚨 Barcelona and Inter Miami have approached Lionel Messi (35) for a summer free transfer – PSG want him to renew, no decision expected before World Cup. (RMC)https://t.co/w1djQzUlKx

— Get French Football News (@GFFN) November 1, 2022

Inter Miami are confident they’ll sign Lionel Messi in the summer transfer window, according to The Athletic 😳 pic.twitter.com/hhnTQW26o9

— GOAL (@goal) October 31, 2022

എന്നിരുന്നാലും മെസിയുടെ ഭാഗത്ത് നിന്ന് നേരിട്ടൊരു പ്രസ്താവന ഈ വിഷയത്തിൽ ഉണ്ടായിട്ടില്ല.

വരുന്ന 20ന് ഖത്തറിൽ നടക്കാനിരിക്കുന്ന ലോകകപ്പിനായുള്ള കാത്തിരിപ്പിലാണ് താരം. ഒരുപക്ഷേ ഇത് തന്റെ അവസാനത്തെ ലോകകപ്പ് ആയിരിക്കുമെന്ന് ലയണൽ മെസി നേരത്തെ സൂചന നൽകിയിരുന്നു.

Content Highlights: Lionel Messi likely to extend stay with Parisians, says report