പാരീസ് സെന്റ് ഷെര്‍മാങ്ങിന്റെ സൂപ്പര്‍ സ്‌ട്രൈക്കറും അര്‍ജന്റൈന്‍ ഇതിഹാസവുമായ ലയണല്‍ മെസി ഫുട്‌ബോളിലെ എക്കാലത്തെയും മികച്ച താരങ്ങളിലൊരാളാണ്.
ഏഴ് തവണ ബാലണ്‍ ഡി ഓര്‍ ജേതാവ് കൂടിയായ താരം ലക്ഷക്കണക്കിന് ആരാധകരെയാണ് ഇതിനകം സമ്പാദിച്ചു കൂട്ടിയത്.
വരാനിരിക്കുന്ന ഖത്തര്‍ ലോകകപ്പില്‍ തന്റെ രാജ്യത്തിന് വേണ്ടി ബൂട്ട് കെട്ടാനുള്ള തയ്യാറെടുപ്പിലാണ് താരമിപ്പോള്‍.
മാരക്കാനയില്‍ ഒരു കൈ അകലത്തില്‍ നഷ്ടപ്പെട്ട വിശ്വ കിരീടം ഇത്തവണ നേടിയെടുക്കുമെന്ന നിശ്ചയദാര്‍ഢ്യത്തോടെയാണ് ടീം അര്‍ജന്റീന ഇത്തവണ ലോകകപ്പിനിറങ്ങുക.
കരിയറില്‍ മറക്കാനാവാത്തതും അതിമനോഹരവുമായ അനുഭവം പങ്കുവെച്ചിരിക്കുകയാണ് താരമിപ്പോള്‍. ബ്രസീലിനെ എതിരില്ലാത്ത ഒരു ഗോളിന് കീഴ്‌പ്പെടുത്തി കോപ്പാ അമേരിക്ക സ്വന്തമാക്കിയതിനെ കുറിച്ചാണ് താരം സംസാരിച്ചത്.
Lionel Messi gets emotional as he watches Argentina’s Copa America victory in new Netflix documentary, calling it ‘the most beautiful thing to happen in his career’ https://t.co/j91Ub5yZtt pic.twitter.com/27WuUNRwNs
— SPORTS CIRCUS INT. (@SPORTSCIRCUSINT) November 4, 2022
