കലാഭവന്‍ മണിയുടെ അമ്പതാം ജന്മദിനത്തില്‍ മാഷപ്പ് വീഡിയോയുമായി ലിന്റോ കുര്യന്‍; വൈറല്‍
എന്റര്‍ടെയിന്‍മെന്റ് ഡെസ്‌ക്
Friday, 1st January 2021, 1:31 pm
കൊച്ചി: മലയാളികളുടെ തീരാ നഷ്ടമാണ് കലാഭവന്‍ മണിയുടെ മരണം. ജീവിച്ചിരിക്കുകയായിരുന്നെങ്കില്‍ ഇന്ന് കലാഭവന്‍ മണിയുടെ അമ്പതാം ജന്മദിനമായിരുന്നു.
മലയാളികളുടെ സ്വന്തം മണി ചേട്ടന്റെ ജ്ന്മദിനത്തില്‍ ആരാധകര്‍ക്കായി മാഷപ്പ വീഡിയോ ഒരുക്കിയിരിക്കുകയാണ് ലിന്റോ കുര്യന്‍. സിനിമയിലെയും മിമിക്രിയിലെയും ആദ്യ കാലഘട്ടം മുതല്‍ ജീവിതത്തിന്റെ അവസാനം വരെയുള്ള നിമിഷങ്ങളാണ് ലിന്റോ കുര്യന്‍ വീഡിയോ ആയി ഒരുക്കിയത്.
ആറ് മിനിറ്റാണ് വീഡിയോയുടെ ദൈര്‍ഘ്യം. നേരത്തെ മോഹന്‍ലാല്‍, മമ്മൂട്ടി, സുരേഷ് ഗോപി, വിജയ്, ദിലീപ്, ജയസൂര്യ തുടങ്ങി നിരവധി പേരുടെ ജന്മദിനത്തില്‍ മാഷപ്പ് വീഡിയോ ലിന്റോ ഒരുക്കിയിരുന്നു.
